Skip to main content

Rosing: Ilisimatusarfik ineriartorluarsimavoq

Ilisimatusarfiup siulersuisuini siulittaasutut tunuangajalersup Minik Thorleif Rosingip AG-mit apersorneqarluni, Ilisimatusarfiup "oqaluppalaajuneranit" kandidatinik ph.D-milu ilisimatusartussanik ilinniartitsisarluni ineriartorsimanerujussua erseqqissaatigaa.

- Ilisimatusarfiup ineriartornera isiginnaarlugu kajuminnartorujussuusimavoq.

Ilisimatusarfik ukiut ikittuinnaat ingerlaneranni »ungasissorsuarmi oqaluttuameersutut« issinnarluni kandidatinik ph.D-ngornianillu arlalinnik ilinniartitsivinngorluni allanngorsimasoq Minik Thorleif Rosingip Skypekkut nassuiaatigaa.

- Ullumikkut Ilisimatusarfik inuiaqatigiinni allaalluinnartumik inissisimavoq. Naammassisartut marloriaatinngupajaarput, ujarassiornermi professori 63-inik ukiulik ukiuni kingullerni allagartartaartartut, ukiut qulit matuma siorna allagartartaartunut sanilliunnerat innersuussutigalugu oqarpoq.

Ilisimatusarfiup siulersuisui nutaanik sisamanik avataaneersunik ilaasortaqalersimapput. 

Minik Rosingip Ilisimatusarfimmi siulersuisunut ilaasortat nutaat Namminersorlutik Oqartussat annertunerusumik piffimmeersunik nuttaliinissamik kissaateqarnerannik ersersitsinertut isigai. Inuit marluk Københavnip Aarhusillu universitetiinut attuumassutillit siulersuisuniikkunnaarnerat, qallunaat ilinniarfiinik qaffasissunik marlunnik suleqatigiinnissamut periarfissanik annikilliliinertut paasisariaqanngilaq, taanna oqarpoq.

- Tamanna allanngornermik nassataqassanngilaq. Siulersuisunut ilaasortaanermi ilinniartitsinernut akuliuttannginneq ileqqorissaarneruvoq, Minik Rosing oqarpoq.

Siulersuisut nutaat:

1. august 2020-mit:: Siulersuisunut ilaasortat avataaneersut tassaapput:

Svend Hardenberg, Pisortaq (Kaffivik Aps.)

Karsten Høy, Pisortaaneq (Greenland Holding A/S)

Randi Vestergaard Evaldsen, Pisiortornermi pisortaq (Brugseni)

Suzanne Møller, Ilinniarfimmi pisortaasimasoq kiisalu pro-rektor

Malan Marnersdóttir, Professori (Savalimmiut Universitetiat)

Ross Virginia, Professori (Darthmouth University – New Hampshire, USA)

AG-mi ilanngutassiaq tamaat atuaruk - ugguuna iserfigisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER