Skip to main content

Rosing-Petersenip ammip qalipaataanik immikkoortitsinermik oqaaserisani aalajangiusimagai

Partii Naleqqap siulersuisui ilaatigut Per Rosing-Petersen oqallisiginiarlugu ataatsimiilerunik aalassassimaartussaassapput. Pineqartorli eqqissisimalluinnarpoq: - Inuit ataasiakkaat partiimit anisissinnaanngilaannga

Partiip siulittaasuata Hans Enoksenip partiimi siulittaasup tullia Per Rosing-Petersenip oqaasii akerleriiffiusut pillugit, tassa Nunarput Sydafrikamut assersuummagu inissippaa. 

Enoksenip KNR-imut erseqqissarpaa, Per Rosing-Petersen ‘sakkortuumik avoqqaarineqarmat’ aamma oqaasii akuerineqarsinnaanngimmata. 

Atuaruk: Partii Naleraq immikkoortitsinermik oqaaseqarnermit isumaqataanngilaq

Ernumalersinneqanngilaq
Tamatumunnga peqatigitillugu Enoksenip tusagassiuutinut nalunaarummini erseqqissarpaa, Inatsisartuni akaareqatigiilluni oqallittoqartarnissaa Partii Naleqqap kissaatigimmagu. Ima paasillugu: Rosing-Petersen marlunngormat oqallinnermi tamatumunnga ikorfartueqataanngilaq. 

Taamaattorli nammineq partiiminit tamanillu appisaluunneqaraluarluni Inatsisartuni maanna assuarineqarnerpaasoq ernumalersinneqanngilaq. 

Isummani saqqummiukkai
Naleqqap siulersuisui sapaatip-akunnerata naanerani ilaatigut ammip qalipaataanik immikkoortitsinermut assersuussineq oqalli
siginiarlugu ataatsimiilerpata taassuma oqaaserisani illersorniarini AG-mut oqaatigaa. 

- Eqqissisimasumik tiguara. Isummakka saqqummiutissavakka, taava eqqunngitsunik oqalussimaguma taava allat tamanna uppernarsartariaqarpaat. Taamaaliorsinnaappata oqaaserisakka utertissavakka. Aatsaalli taama pisoqarpat taamaaliussaanga. Inuuvunga pisimasunik soqutigisalik, Per Rosing-Petersen oqarpoq. 

Atuaruk: Justus aamma Naaja: Qinngarsuilluni oqalugiarneq unitsinniarli

Ernumanngitsoq
- Kisiannimi siulittaasorisannit assuarineqareerputit, taava tamanna
nakkaannarfigalugu malittariaqassavat? 

- Enoksenip oqaasii tusarnaarpakka. Taanna taama isumaqarpoq. Tamanna pillugu ataqqivara. 

- Isumai naalakkumanngikkukkit partiimit anisitaanissat ernumanartoqartinngilat oqaaserisatillu aalajangiusimallugit? 

- Inuit ataasiakkaat anisissinnaanngilaannga. Partiip ataatsimeersuarnerani taamaallaat tamanna pisinnaavoq. Taannami tassaavoq partiimi oqartussaaffiit qullersaat. 

Per Rosing-Petersenimik apersuineq tamaat AG-mi uani sapaatip-akunnerani saqqummertumi atuaruk, ullumikkut pisiniarfimmiilereerpoq. Aviisi aamma uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER