Rosing Kreutzmannilu nersornaasigassatut piukkunneqarlutik toqqagaasut

Nunat avannarliit Siunnersuisoqatigiivisa meeqqanut inuusuttunullu atuakkamik nersornaasiinissaannut nersornaaserneqartussatut piukkunneqartut 13-it toqqarneqaqqammerput.

Nersornaasiiserneqarnissaminnut piukkunneqartut nunanit assigiinngitsuneersuupput, soorlu: Danmarki, Finlandi, Islandi, Norge Kalaallit Nunaat Savalimmiut kiisalu Samit nunaanneersut. Nersornaasigassatut piukkunneqartut ilagaat ’Nasaq teqqialik piginnaanilik’ Kathrine Rosing-imit atuakkiarineqartoq Nina Spore Kreutzmann-imiillu (Milik Publishing-imeersoq) ilusilersorneqartoq.

Nersornaasiineq Sverigep illoqarfiisa pingaarnersaanni Stockholm-imi oktobarip 29-ani ingerlanneqassaaq.

Meeqqanut inuusuttunullu atuagatsialammik tallimassaa nersornaasiisoqassaaq. Nersornaaserneqartoq 350.000 koruuninik akissarsitinneqassaaq.

Nersornaaserneqartut allat uani takuneqarsinnaapput (Qallunaatuinnaq allaqqavoq)