Rosap Nunatsinni isertuussani misissorpaa

Bagedystimit tusaamasap Rosa Kildahlip aallakaatitassani marlunni siuaasani misissuiffiginiarpai. Aallakaatitassiat juullimi TV2-mi takutinneqassapput.

Rosa Kildahl sammen med dansepartneren Esbern Syhler-Hansen i 'Vild med dans'.

Isiginnaartartunit nuannarineqarluartoq Rosa Kildahl siora ukiakkut DR-ip aallakaatitassiaani ‘Den store bagedystimi’ tusaamaneqalerpoq. Taamani tv-mi isiginnaartartorpassuit suminngaanneernera isumaliutersuutigaat. Taanna qiviaannarlugu immaqa kalaaliusorineqarsinnaasarpoq.

Aallakaatitassiamit ilaajunnaarmat isiginnaartartut sunilluunniit apeqquteqarfigisinnaanikuuaat, arlallit kalaallinik siuaasaqarnersoq paaserusussimavaat.

- Tamanna akisinnaanngilara, kisianni kusanartumik iluseqarpunga. Kalaallit Nunaanni ilaqutaruma ilisimanngilakka, kisianni neriuppunga unnummut isiginnaaqataasut. Kalaallit Nunaanni ilisarisimasaqanngilanga, taamaammat qaaqquneqarnissara utaqqivara, taamani ilaatigut taama akissuteqartoq, SE og HØR-ip issuarpaa.

Ilaqutariinni isertuussaq

61-inik ukiulik ilaqutariinni isertuussiffiusumi peroriartorsimasoq maanna paasinarsivoq, aatsaallu angummi toqoreernerata kingorna siuaasaminik misissuinissaminut saperunnaarsimavoq. TV2-mi aallakaatitassiap nassuiaataani tamanna atuarneqarsinnaavoq.

Tamatumunnga atatillugu panini ilagalugu Nunatsinnut angalasimavoq, tassanilu ilaqutaqarnerluni misissorlugu.

Aallakaatitassiaq ‘Rosas grønlandske hemmelighed’ siulleq juullerujussuarmi aallakaatinneqassaaq, tullialu decembarip 27-anni aallakaatinneqassalluni.

Powered by Labrador CMS