Skip to main content

Røde Korsimi malunaaatilik kræfterluni toquvoq

Aase Nygaardip apriilip 30-anni toquneranut atatillugu Kalaallit Røde Korsiat eqqaaniummik nassiussaqarpoq, taanna kræftimut akiuutereerluni toquvoq.

Kalaallit Røde Korsiannit eqqaaniut:

Marlunngornerup aprilip 30-ata ullaassaani Kalaallit Røde Korsiat ilaminik malunnaatilimmik inutsialassuarmillu annaasaqarpoq, tassa Aase Nygaard kræftimut ukiuni kingullerni inuuneranut sunniuteqarsimaqisumut tunniutiinnartariaqalersimammat.

Røde Korsip Kalaallit Nunaanni sulineranut 70-arsikkut aallartilaarneranni Aase Nygaardip pingaaruteqarnera aammalu Kalaallit Røde Korsiata immikkoortortatut namminiilerluni pilersinneqarneranut takussutissaqarpoq, ikiueqqaarnermi ilitsersuisut kalaallit siulliit ilinniartinnerisigut aammalu ikiueqqaarnermi atuakkat marlunnik oqaasertallit saqqummersinnerisigut, nunarsuarmi naalliuutilinnut nuna tamakkerlugu katersuiniarnertigut allanillu inuit akornanni pilersitsinikkut.

Røde Korsi aningaasaateqalersinnaaqqullugu Aasep atornikuerniarfiup siulliup Nuummi 1991-imi pilersinneqarnissaanut iliuuseqaqqaartuuvoq. Atornikuerniarfik ullumikkut Nuummi immikkoortortaqarfiup pisuussutaasa annersaraat, ukiumut tunisanik 1,2 mio. kruuninik kaaviiaartitaqarluni.

Aase inuunini naallugu suleqataalluni KRK-mi ilaasortaavoq, siulersuisuunerni siulittaasuuneq, KRK Nuummi siulittaasuuneq, KRK-mi allaffimmi pisortaaneq, Nuummilu atornikuerniarfimmik nalorninani aqutsisuuneq angumeralugit.

Atornikuerniarfimmi tunineqarnerpaanut ilaapput inuusannguit Inuk aamma Inuuna Aasep, naak napparsimaleriikatakkaluarluni, kajumilluarluni nuersartuagai.

Aasep sivisuumik Røde Korsimiinnermini kappoqqutit ukiut qassit ilaasortaasimanermut takussutissat pissarsiarineqarsinnaasut tamarluinnaasa pissarsiarinikuuai, soorluttaaq Røde Korsimi nersortarialinnut Florence Nightingale-mik nersornaat tunniunneqarsimalluni.

Aase Nygaardip eqqaaneqarnera ataqqinartuuli

Nipilersoqatigiissuit Symfoniorkester-it aamma erinarsortut: Aalborg-ip ulloqartinneqarnera kusanartumik naggaserneqarpoq
Ukioq manna Aalborg-ip ulloqartinneqarnerani aaqqissuussinermi kingullermi inuit 500-t sinneqartut peqataapput, ulloq taanna ataatsimut tusarnaartitseqatigiinneq ingerlanneqarpoq, Aalborg...
Rolf; Kommunerujussuaq nuannaraara
Rolf Pikep kommunerujussuanngortitsinerit annerusumik iluarisarpai, kikkulli tamarmik isumaanut isumaqataasanngitsut nalunagu.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER