Kalaallit Røde Korsiat

Røde Kors: Kikkut ernumanaateqartumik inissisimanerpaappat?

Kalaallit Røde Korsiat (KRK) suliniummik nunatsinni innuttaasut akornanni kikkut meeqqat, inuusuttut, utoqqaat, ilaqutariit, kisermaat, peqqissut napparsimasullu akornanni ernumanaateqartumik inissisimasutut taaneqarsinnaanersut takussutissamik aallartisaavoq.

Suliniut 'Inuit Ernumanartumik inissisimasut pillugit nalilersuinerit 2017' taaguuserneqarsimavoq. Nalilersuinerit siulliit ukioq manna naamassineqassasut ukioq allortarlugu suliarineqartarnissaat tusagassiuutinut nalunaarummi paasissutissiissutigineqarpoq.

- Røde Korsimi isumaginninnikkut suliniuteqartarnitsinni sutigut eqeersimaarnerpaalluta innuttaasut akornanni ernumanaateqartumik inissisimasut ikiorserniarlugit upalungaarsimaffigineqarnerpaasassanersut, Røde Kors tusagassiuutinut nalunaarummi allappoq.

Aqutsisoqarfimmi ilaasortat arfineq-marluk

Qqutsisoqatigiit KRK-mut attuumassuteqanngitsut arfineq-marluusut sainatigut ilisimatuut pingasut suleqatiginerisigut suliniut ingerlanneqassaaq.

Pineqartullu ukua aqutsisoqatigiiffimmi ilaasortaanissatut akuersaarsimapput:

  • Vittus Mikaelsen (borgmesteriusimallunilu inatsisartuni ilaasortaasimasoq), Tasiilaq
  • Storm Ludvigsen (imigassamik atornerluisunut katsorsaasoq, kommunimi inatsisartunilu ilaasortaq), Nuuk
  • Kurt Skjønnemann Pedersen (Nunatsinni Frelsens Hær-imi officeri, palasi isumaginninnikkullu siunnersorti), Nuuk
  • Aviâja Egede Lynge (isumaginninnikkut ilinniagartooq, Meeqqat Illersuisuat), Nuuk
  • Stine Egede Nørbæk (politikommissær, isumaginninnikkut ataats.siulittaasoq), Qaqortoq
  • Jess G. Berthelsen, (SIK-mi siulittaasoq), Nuuk
  • Henrik Leth (GE/Sulisitsisuni siulittaasoq), Nuuk

Ilisimatuut pingasut ukuupput:

  • Steven Arnfjord (Sociologi, ph.d.), adjunkt, Isumaginn.Immikkoortortaq, Ilisimatusarfik
  • MarieKathrine Poppel (Cand. Scient. Adm.), adjunkt, Isumaginn. Immikkoortortaq, Ilisimatusarfik
  • Birger Poppel (Aningaasarsiornikkut Ilisimatooq), Ilisimatuutut soraarneq, Aningaasarsiornermut Inuiaqatigiilerinermullu Imm., Ilisimatusarfik

Ilisimatuut aqutsisoqatigiiffimmilu ilaasortat siullermeersumik ataatsimiinnissaat pissaaq arfininngornermi 11. februar 2017.

Powered by Labrador CMS