Chilly Friday
Rockimik nipilersortartut nuannarineqarluartut tusarnaartitseqqilersut
Ukiuni arlalinni nipilersoqatigiissimanngitsut Chilly Friday tusarnaartitseqqinnissaminnut piareersaleruttorput
Nipilersoqatigiit soqutigineqarluartut Chilly Friday kulturikkut illorsuarmi Nuummiittumi Katuami tusarnaartitsissapput.
Taamaasilluni atugaasa ilaat nuannarineqarluartoq 'Iggo' tusaaneqaqqissinnaassaaq.
Nipilersoqatigiit ukiut arfineq pingasut nipilersoqatigiissimanngitsut taamaasillutik tusarnaartitseqqittussanngorput.
Nalliuttorsiorneq
- Ukiuni 15-ni nipilersoqatigiittarsimanitsinnut atatillugu tusarnaartitsissaagut. Univinnikuunngilagut, ikinngutigiippugummi suli, nipilersoqatigiittarunnaaginnarnikuusugununa, nipilersoqatigiit nalunaaruteqarput.
Tumerparpaartoq Alex Nordal Andersen, bassertoq Henrik Rosing Jensen, guitarertartoq Angunnguaq Larsen erinarsortuallu Malik Kleist nipilersoqatigiittarunnaaraluarput sulitik eqqarsaatiginerullugit.
- Inuunitsinni nutaanik misilittagaqarusulluta nipilersoqatigiittarunnaaraluarpugut, Malik Kleist oqarpoq.
Qilanaarput
Katuami tusarnaartitsinissaminnut qilanaarput.
- Qanoq angusaqassanerluta naluarput. Tusarnaartitsinissarput eqqarsaatigigallarparput, pissanganassaaq inuit soqutiginnissanersut. Inuppassuit takkussinnaassappata nuannissaqaaq, Alex Nordal Andersen oqarpoq.