Rockertartutoqqat tusarnaartitsissapput

Nuummi rockertartutoqqat ataatsimoorlutik januarip 31-at Inussivimmi tusarnaartitseqatigiittussanngorput. Taamaasilluni aliannaartoqassannguatsiarpoq

Rockertartutoqqat januarip 31-at Nuummi appittussat. Saamerlermiit tassaapput: Eigil Petersen, G-60-miit, Hans Peter Kleeman, Piitsukkut Project, Steffen Lynge, Simikkunniit, Kristian Lynge Petersen, Sistakkunniit kiisalu Jorsi Sørensen, G-60-miit.

- Qangatsianngorporli nipilersoqatigiit Simik, G-60 aamma Sista Nuummi nipilersornerannit. Ukiualuit matuma siorna Nuummi nipilersornermi taakku sunniuteqartuupput, tusarnaartitsinissamik aaqqissuisoq Jens Kristian Berthelsen, Nuummi illorsuarmi timersortarfimmi pisortaasoq oqarpoq.

Tusarnaartitsinissaq nittarsaanneqalermalli Facebookimi oqaaseqarfissani apersuutigineqallattaavoq Sistakkut kikkuunersut.

Taakku tassaapput Kristian Lynge Petersenip, Aqqap aamma Karl Kristian Olsenip Paartup nipilersoqatigiivi 1970-kkunni katersortarfimmi imerniartarfimmilu Kajistiinaaqqami appisimaartarlutik.

- Assorsuaq nuannaarutigaarput nipilersoqatigiit Simik unnuk taanna nipilersorusummata. Taamatuttaaq aamma G-60 nuannaarutigeqaavut. Ukiorpaalunngortut matuma siorna taamatut aaqqissuussinerput iluatsilluarpoq, neriuppugullu maanna aamma iluatsitsilluarumaarluta, Jens Kristian Berthelsen oqaluttuarpoq.

Unnuk naggaserlugu Hans Peter Kleemannip nipilersoqatigiivi Piitsukkut Project appisimaassapput.

Aviisi AG uani pisiariuk:

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS