Den Ridi Vejrmelding Nunarput pillugu erinarsornissamut piareeqqasoq
Den RIDI vejrmeldingimi Nuuk pillugu silasiortartoq Kalaallit Nunaannik nersorinninniarluni erinarsornissamut videomillu takutitsinissamut piareersimavoq. Taanna ilanngutassiami matumani takuuk.
Den RIDI vejrmelding Nuuk pillugu silasiortartoq, Frederikshavnimiumit Arvid Jacobsenimit saqqummiunneqartartoq nunami maani ilisimaneqarlualersimavoq.
Angutip jyllandimiusut nuannarineqarluartup silassaq pillugu uppernarsarluakkanik videoliaaqqanik suliaqartarup, silami pisattat grillerutillu qaqugukkut silamut anillaanneqassanersut aamma qimmip tigitaannginnissaa anguniarlugu qaqugukkut pitunneqarnissaa pillugit oqaluttuuttarpaatigut.
Arvid Jacobsenip qangali ilimasaarutigereersimavaa, nunarput nuannarisani pillugu videoliorlunilu erinarsuusiornissani, taakkulu maanna takuneqarsinnaalerput. Arvid Jacobsenip videoliaminik saqqummiussinermini oqaluttuaraa, 1976-imi Frederikshavnimiit Aalborgiliariarluni umiarsuarmik ulluni 14-ini Nuummukarami, Kalaallit Nunaannut asannilersimanini.
Nuummi innuttaasunik Kalaallillu Nunaata sinnerani innuttaasunik allaqateqartarnermigut filmiliorsimavoq.
- Tamatuma kingorna erinarsuut suliarivara, immiussivinnilu unnuarpassuit immiussisarsimallunga - Filmi/erinarsuut "Nuuk alianaatsoq" (smukke Nuuk som det betyder) suliarsimavara. Neriuutigaara taanna nunarsuarmiunit "AVITSEQATIGIIFFIGINEQARUMAARTOQ", Kalaallimmi Nunaat nunarsuarmi tikissimasannit kusanarnerpaavoq, nersorinnilluni oqarpoq.