Skip to main content

Rektorimik nutaamik atorfinitsitsiniarnermut politikeri akuliuttoq

Mimi Karlsen, IA-mi aamma Inatsisartunut ilaasortaq, ataatsimiititaliaq Ilisimatusarfimmi rektorimik nutaamik atorfinitsitsisussaq maanna akuliuffigalugu sunniuteqarfiginiarsaraa.

Atorfimmut allagartaliussami qinnuteqartoq kalaallisut oqalussinnaanera piumasaqaataanngitsoq, naalakkersuinikkut suliaqartup maluginiarsimavaa.

Atorfimmut allagartaliussaq
Atorfimmut allagartaliussaq ima oqaasertaqarpoq: 

''Kalaallit oqaasiinik ilisimasaqarneq pitsaaquteqassaaq, kisianni piumasaqaataanngilaq.''

- Tamanna assut akueriuminaappoq. Uagut nunatsinni, uagut ilisimatusarfitsinni, uagut inuusuttatta ilisimatusarfissaanni soorunami pisortaq kalaallisoorsinnaasariaqarpoq, Mimi Karlsen naqissusiivoq, imatullu aperivoq:

- Sumi nunami allami ilisimatusarfimmi pisortaq nunap oqaasiiinik oqalunnginnami?

Danskit universitetianni rektorit tamarmik danskisut oqaasiliusut aamma Tuluit Nunaanni taamaattut, politikerip tunngavilersuutigaa. Aamma Nunatsinni taamaassaaq, taanna isumaqarpoq.

- Ilisimatusarfik tassaammat nunatsinni ilisimatuussutsimik qaffassaasussaq, nunatsinni naleqartitatsinnik aammalu oqaluttuarisaanitsinnik ilisimasaqarfiusussaq soorunami pingaaruteqarpoq pisortassap kalaallisut paasinnillunilu oqalussinnaanissaa.

Oqaatsit arlallit ajunngillat
- Ilisimatusarfiup kalaallisuinnaq ingerlannissaa pinngilara, pingaartipparalu tuluit oqaasii danskillu oqaasii pisinnaasaqarfigineqartariaqartut. Pingaartipparali pisortap kalaallisut oqalussinnaanissaa, IA-mi politikeri naqissusiivoq.

Tine Parsip Namminersorlutik Oqartussani pisortanngornerata kingorna atorfik inuttaarunnikuuvoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER