Rekortiliiniarneq ingatsikkaluttuinnartoq
Juulip 21-anni immikkut ittumik angalaneq aallartissaaq, taanna Frankrigimi aallartissaaq, Kalaallit Nunaannut aamma Sullupalummut ingerlaassallutik, tassanngaanniillu Kap Hornimut, Qalasersuaq Kujalleq kaajallariarlugu Kap Hornip eqqaanit Frankrigimut utissallutik.
Annonce
34.000 sømil umiarsuup naalagaa Norbert Sedlacek aquttoralugu raceryachtimik immikkut sanaajusumik ingerlaarneqassapput, franskit østrigimiullu amutsiviata Innovation Yachtsip atortunik atoqqinneqarsinnaasunik sanasimasaat atorlugu.
Nunarsuarmi rekortileeriarniarneq aqqummut tunngatillugu siullivuvoq, imavissuit tallimat angalaffigineqassallutik.
Norbert Sedlacekip tamanna naammassissaguniuk nunarsuarmi siullersaalluni uninngiivilluni ikiorneqanngiivillunilu angalassaaq. Angalaneq ulluni 200-ni pinissaa naatsorsuutigineqarpoq.
Ulluni makkunani umiatsiaq immikkut sanaajusumi nerisassat atortullu 2 tonsit poortorneqaleruttorput.
Nunarsuarmi rekortileeriarneq Ant Arctic Labs nittartagaani takuuk.