Rekordileeqqittoqartoq: Tunillatsissimasut nutaat 630-t
Inuit arfinillit Covid-19 pissutigalugu napparsimmavimmi uninngapput.
Coronamik tunillatsissimasut amerlassusaatigut rekordileeqqittoqarpoq. Nunatsinni Nakorsaaneqarfimmit ullormut tunillatsissimasut kisitsisaannik nutarterinermi ilisimatitsissutigineqarpoq, ullormi kingullerni coronavirusimik tunillatsissimasut nutaat 630-t nassaarineqarsimasut.
Sumiiffinni ukunani tunillatsissimasut amerlassusaat:
- Pituffimm 10
- Upernavimmi 4
- Iluissani 222
- Qasigiannguani 1
- Aasianni 7
- Sisimiuni 39
- Kangerlussuarmi 3
- Maniitsumi 3
- Nuummi 329
- Paamiuni 12
Nakorsaaneqarfik naapertorlugu, nunami tamarmi coronaviruseqarlutik uninngasut katillutik qulingiluaasut, taakkunannga arfinillit COVID-19 pissutigalugu uninngallutik, pingasulli coronaviruseqartut allanik pissuteqartumik uninngallutik.
Rekordiliisoqaqqinneratigut tunnillatsissimasut nutaa pingasunngornermut 457-inik tunillatsittoqarfiusimasumut sanilliullugit amerleqqissimapput.
Naatsorsuisimaneq naapertorlugu, Nuummi Ilulissanilu tunillatsissimasut suli amerlanerpaapput.