Red Barnet: Immineq kajumissutsiminik ikiuilluartoq nersornaaserneqartoq
Ukioq manna Meeqqat Ikiortigimi immineq piumassutsimik tunngaveqartumik tunniusimalluni sulisimasumut nersorinnissut
Petrine Andersen immineq kajumissutsimik sulinermi nersorinnissummik Meeqqat Ikiortigimit tunineqarpoq ataasinngormat.
Kalaallit Nunaanni meeqqat pitsaasumik inuunnissaat anguniarlugu suleqataalluarsimaneranik sulinerminilu tunniusimalluarsimanera pissutaalluni nersorneqartoq Meeqqat Ikiortigit tusagassiutinut nalunaarummi allapput.
- Immineq kajumissuseq tunngavigalugu sulineq inuiaqatigiinnik sullissinermi pitsaaqutaaginnanngilaq. Taamatummi suliaqarneq pillugu ilisimatusarnerup takutippaattaaq, inuit immineq kajumissusertik atorlugu sulisut aamma pilluarnermik misigisaqartartut, Meeqqat Ikiortigit sinnerlugit siulittaasoq Jonna Ketwa oqarpoq.
- Suliarlu aamma demokatiip suuneranut ilinniutaavoq, allanik isumaqatigiinniarnernik, attaveqalerninnik, siammasinnerusunik tunngaveqartunik aaliangiinernik taamallu pillualernermik, imaqarami, ilisimasassarsiornermik suliaqartut oqarput. Immineq kajumissutsimik suliaqarneq inoqatinut sammisutigut pikkorinnerulersitsisarpoq taamallu qaammaasaqalerneq ”atuartutut ingerlalluni ilisimasaqalertarnermit” pingaarnerujussuuvoq, Jonna Ketwa ilaatigut oqarpoq.