makitsineq
Real Madrid-ip PSG Champions League-mi unammissavaa
Danskit CL-mi pikkorissunik unammisassaanik makitsisoqarnerani pissartat, Paris Saint-Germain unammissavaat.
Champions League-p aallarteqqinnissaa ukiaanerani isikkamik arsaattulerinermik soqutigisallit qilanaarutissaqarluarput.
Ataasinngormammi Nyon-imi ottendedelsfinalinut makitsinermi unammisussat pissaganartuunissaat ilimanarsereerpoq.
Pissartat Real Madrid-ip franskit Paris Saint-Germain brasiliamiu Neymar tusaamasarsua ilanngullugu unammissavaat.
Andreas Christensen Chelseamiittup FC Barcelona unammissavaat, Christian Eriksenillu Tottenhamilu Juventus unammissallugu.
Unammisartut taakkut marluk Europami unammersuartoqarneranut atatillugu unamminikuunngisaannarsimapput.
Sevilla-p Simon Kjær aamma Michael Krohn-Dehli arsartoralugit Manchester United unammissavaat, tassa spaniamiut peqatigiiffiat sukataartinneqassaaq.
Makitsinermi peqatigiiffiit anginerit imminut unammisinnaanerat ilimagineqareersimavoq.
Tamatumunnga pissutaavoq gruppekkaarnerni peqatigiiffiit ttullertut inississimammata soorlu Bayern München aamma Chelsea ukiorlu kingulleq pissartanngorniutivissimasut Real Madrid aamma Juventus.
Chelsea-p Tuluit Nunaaninngaanneersut gruppikkaarnermi ajugaasimasut, nunap aaqqissuussaanera pissutigalugu unammisinnaanngilai.
Tuluit Nunaanni pissartaasimasut Roma gruppeqatigisimagamikku aamma unammisinnaasimanngilaat.
Tassa Chelsea-p FC Barcelona, Paris-Germain aamma Besiktas ottendedelsfinalini kisiisa unammisinnaasimavai.
Chelsea-mi sungiusaasup Antonio Conte-p tyrkiami pissartat Besiktas unammisassatut neriuutigisimassagaa naatsorsuutigineqarsinnaasimavoq.
Taamaattoqarsimanngilarli, Chelsea-mmi Barcelona unammisussanngorpaa.
Ukiup tulliani ottendedelsfinalit februarip martsillu qaammataani ingerlanneqassapput.
Champions League-mi pissartanngorniutivinneq ukiup tulliani Kijev-imi 26. maj pissaaq.
/ritzau/