Rasmus Lyberth: Nipilersukkanik pitsaanerusunik suliaqarsimanngilanga
Rasmus Lyberth ukioq manna pingaarutilimmik akunnaalliliisussaavoq. Tamanna Kalaallit Nunaanni pissusissamisoortumik malunnaateqarluartumik nalliussineqassaaq. Piffissami matumani rødviinni mamarilluakkani unitsikkallarsimavaa – inuunerminilu erinarsuusiami pitsaanersaannik suliaqarluni.
Rasmus Lyberth marsimi Nuuliassaaq, aggustimilu 70-iliilluni inuuissiornissani pilersaarusiuleruttorlugu.
Aggustip 21-ani persuarsiortoqassaaq, tamannalu aasarisseruttornerani annertuumik nalliussisoqarnissaatut isikkoqarluni:
– Meeqqakka, ernutakka ikinngutigilluakkakkalu peqatigalugit Kalaallit Nunaaliarnissara pilersaarutigaara. Kiisalu nipilersortukka aalajangersimasut. Taava Katuami tusarnaartitsissaagut. Tamanna namminiunerusumik nalliuttorsiortiginninnissamut taarsiullugu ullormik nalliussinerissavara, AG-mut oqarpoq.
Suliani tulluusimaarutigaa
Rasmus Lyberthip saqqummersitani, Inuunerup oqarfigaanga, tulluusimaarutigaa. Taallanik inuunermik nuannarinninnermut, ilumoornermut kunimmullu tunngasunik imaqarpoq, suliarisimasaminilu pitsaanerpaatut oqaatigisani. Nipilersugaani ingerlatitsisuusut tamatigut tassaasarsimapput qanimut misilittagai.
– Saqqummersitamili tassani tusarnaartartunut toqqaannartorujussuarnik oqariartuuteqarpunga. Maannamut pisartunit inummut tunnganerujussuusunik.
Rasmus Lyberthip apersorneqarnera tamakkiisumik AG-mi atuarneqarsinnaavoq. Aviisi uani pisiariuk:
