urandebat
Randi: IA marloqiusamik suliaqarpa?
Partii Inuinit Randi Broberg Inuit Ataqatigiit akerlilerpai partiip Greenland Mining and Energysip misisissueqqaarsimanerat naak uranimut akuersaanngilluinnartoqaraluartoq
Kuannersuarni Greenland Mining and Energysip misissueqqaarnissat ingerlaqqinnissaat naalakkersuisut siuliisa 2010-mi akuerinikuuaat.
Taamaasilluni Partii Inuinit Randi Broberg isumaqarpoq IA uranimut akuersaanngilluinnarneq allanngortissimagaa.
Tamannalu Randi Brobergip akerlilerpaa.
- Imaannerluni uranimut akuersaanngilluinnarneq atorunnaarsinneqariarluni uranimut akuersaanngilluinnarneq atulerseqqinneqartartoq, Randi Broberg Inuit Ataqatigiit oqaaseqartartuanut Kalistat Lundimut aperaaq.
Uranimut akuersaanngilluinnarneq allanngortinneqarsimanngitsorli IA isumaqarpoq.
- Uranimut akuersaanngilluinnarneq allanngortinneqanngilaq Greenland Mining and Energy misissuinissamut akuersissummik tunineqarmat. Tassami suliffeqarfik piiaanissamut akuersissummik tunineqanngimmat. Aamma suliffeqarfik ukiumoortumik nalunaarusiani misissuisimaneri takuneqarsinnaapput. Tamannalu aamma inuiaqatigiinnit takuneqarsinnaavoq, Kalistat Lund oqarpoq.