Skip to main content

RALip umiarsuit tallimat nutaat nuannaarutigai

Tysklandimi umiarsualiorfimmi akiliisinnaajunnaartumi P&S Werftenimi pisussaagaluatut umiarsuit nutaat tallimat sananeqassapput

Royal Arctic Linemit nuannaarutigaarput siulersuisut umiarsuarnik nutaanik tallimanik sanatitsinissamut isumaqatigiissummik atsiornerat nalunaarutigisinnaagatsigu. Umiarsuanik sanasussat tassaavoq Polenimi umiarsualiorfik Remontowa Gdanskimiittoq. Taamatut ataatsikkoortumik suliassiineq tassaavoq Royal Arctic Linep oqaluttuarisaanerani annertunerpaaq, taakkulu umiarsuit tallimat Kalaallit Nunaanni/maani Nunatsinni ukiuni aggersuni amerlasuuni imakkut assartuinermik pitsannguutaassapput.

Umiarsuit tallimat 2015-imi ukiup affaata siulliup ingerlanerani tunniunneqassapput.

Tysklandimi akiliisinnaajunnaarluni  unittumi P&S Werftenimi sanatitsinissaq pilersaarutaasoq taamaatinneqartoq assigalugu umiarsuit  tallimat pineqarput. Tysklandimi akiliisinnaajunnaartoqarneratali kingorna nutaanik sanaartortitsinissamut pilersaarut misissorneqarpoq,  umiarsuarnillu  tallimanik  pisariaqartitsineq  suli annertuujuvoq.

Taamaattumik pilersaarummut ilaapput:

Umiarsuaq ataaseq Mary Arcticatut ilusilik. Useqarsinnaassusia: 606 TEU (containerit tyvefodsit),  taanna  Arina  Arcticamut taarsiunneqassaaq. Atlantikorsuakkut  aamma Nunatsinni assartueqqittartutut angalasarnermi saniatigut, immikkut suliassanut Tunumut, Pituffimmut aamma Sikuiuitsumut Kujallermut atorneqartassaaq.

Umiarsuaaqqat  marluk  angissutsimikkut  akunnattut.  Useqarsinnaassusiat: Tamarmik immikkut 108 TEU. Umiarsuaaqqat Pajuttaammut aamma ukiut tamaasa attartortarneqartartumut ataatsimut taartaassapput, annertunerpaamik avannaani pilersuinermut atorneqassapput ukiuuneranilu assartueqqittarnermut.

Umiarsuaaqqat  mikinerit  marluk  nunaqarfiliartaatit.  Useqarsinnaassusiat: Tamarmik immikkut 30 TEU. Umiarsuaaqqat nunaqarfiliartaatinut aserfallassimaqisunut  taartaassapput ukiorlu kaajallallugu nunaqarfinnik pilersuinermik ulapputeqartassallutik.

Remontowa Gdanskimiittoq umiarsualiorfiuvoq patajaatsoq, Royal Arctic Linemillu umiarsualiviup suleqatiginera misilittagaqarfigilluarparput, taakku ukiut arfineq pingasut qaangiuttut  Mary Arctica  sanavaat,  taamatuttaaq  Sarfaq  Ittuup  tallineqarnera suliarisimallugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER