Skip to main content

RAL: Assartueqatigiittarneq akikinneruvoq

Royal Arctic Linep assartuinermi akigititai 2015-imiilli en procentip missaanik qaffassimapput. Inuiaqatigiinni akit nalinginnaasumik qaffakkiartortarnerannit annikinnerusumik, pisortaq oqarpoq.

Containerip ataatsip Aalborgimiit Nuummut assartorneqartarnerani akigititaq 2015-imiilli 0,9 procentimik qaffassimavoq. Taamatut ilisimatitsivoq Royal Arctic Linemi (RAL) pisortaq Verner Hammeken:

- Akigititap qaffassimanera inuiaqatigiinni akit, piffissami pineqartumi 4,5 procentip missaannik nalinginnaasumik qaffakkiartortarnerannit annikinnerungaartumik, taamaalilluta oqarsinnaavugut, akikinnerusumik ingerlatsilersimalluta, Verner Hammeken Sermitsiaq.AG-mut oqarpoq.

Kalaallit Nunaanni Sulisitsisut arlaleriarlutik erseqqissumik akissutissarsiniartarsimavaat, Royal Arctic Linep (RAL) Islandimiumik Eimskipimik assartueqateqartarnera, nunamut nunamiillu pingaaruteqarluinnartumik pilersuisarnermut qanoq kineqarsinnaanersoq - tassunga ilanngullugu sullitat qanoq akeqartitsisoqarnissaanik naatsorsuuteqarsinnaanersut.

Akigititatut assersuusiunneqartut:

RAL containerimik ataatsimik 20 fodsiumik Nuummiit Aalborgimut assartuinermi akigitinneqartartunut assersuummik imaattumik nassiussisimavoq.

2015-imi aggustusip qaammataani (uuliamut tapiissutitaqanngitsoq) 22.648,80 kr.

2020-mi juulip qaammataani (uuliamut tapiissutitaqanngitsoq) 22.852,80 kr.

RAL naapertorlugu akigititap 2020-mi 204 koruuninik imaluunniit 0,9 procentimik qaffanneqarsimaneranut pissutaasut tassapput, ullumikkut Sikukimik atuinermut 54 koruuninik akiliuteqartarneq kiisalu usit RAL-imi oqimaalutarneqartarnerannut 150 koruuninik akiliuteqartarneq.

Oqimaluutaanermut akiliuteqartarnermut intsisitigut piumasaqaat pissutaavoq, sullitallu usit nammineerluni oqimaalutarsimanngippagit taamaallaat akiliuteqartoqartarluni.

Politkkerip Jens Napaattuup (PN) suliaq malitseqartillugu qanittukkut Naalakkersuisunut apeqqutigisimavaa, assartuinermi akigitat Nuummi atlantikukkoortaatinut talittarfeqalerneratigut Eimskipimillu assartueqateqartoqartalerneratigut akikinnerulersimanersut akisunerulersimanersulluunniit erseqqissumik paasissutissiissutigineqarsinnaanersut.

Assartueqatigiittarneq annikinnerusunik aningaasaliissuteqartarnermik nassataqartoq

RAL-ip Naalakkersuisut aqqutigalugit Jens Napaattuumut akissuteqarnermini ilisimatitsissutigaa akigititat appartinneqanngikkaluarlutik 0,9 procentimik qaffalaaraluartut, assartueqatigiittarneq akikinnerusoq.

Verner Hammekenip Sermirtsiaq.AG-mut erseqqissaassutigaa, assartueqatigiittarnerup RAL annertunerusunik aningaasaliissuteqartarnissaraluanut sipaartueqartissimagaa, tassa Eimskip suleqatigineqalersimanngitsuuppat annertunerusunik aningaasaliissuteqartarnerup assartuinermi akigititat sunnernersimassagaluarpai:

- Assersuutigalu umiarsuarmut atlantikukkoortaammut taamaallaat aningaasaliissuteqarsimavugut. Tamannalu psioqqanut sanilliullugu akikinneruvoq, umiarsuup ajornaannerunera pissutigalugu, Verner Hammeken oqarpoq.

Neriorsuutiginikuunngilisiummi aaqqissuussaq nutaaq akikinnerussasoq?

- Neriorsuutiginikuuarput, allatut aaqqiissuteqarnermit akikinnerussasoq, taamaapporlu, Verner Hammeken oqarpoq. Psiortallu siunissaq eqqarsaatigalugu nangilluni oqarpoq:

- Qularinngilluinnarpara inuiaqatigiinni akigititanit RAL-ip akigititaasa appasinnerunissaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER