Skip to main content

RAL sinneqartoorpoq

Akileraarutit sioqqullugit angusarineqartut tamarmiusut 56 millionit missaannik pitsanngoriarput. Taamaasilluni Royal Arctic Line 2014-imi akileraarutit sioqqullugit 36 millioninik sinneqartoorpoq

2013-imi akileraarutit sioqqullugit 20 millioninik amigartoorfiusimariarluni 2014-imi akileraarutit sioqqullugit 36 millioninik sinneqartoorneq.

Royal Arctic Line 2014-mi taama angusaqarpoq. 

Tamanna ukiumoortumik ataatsimeersuarnermi saqqummiunneqarpoq.

Royal Arctic Line ukiut 22-issaanni ingerlanneqarnera Kalaallit Nunaanni ineriartornerup ataatsimut nalorninartorsiorfiuneranik sunnerneqarpoq.

- Suliffeqarfissuup angusarissaarnera arlalinnik pissuteqarpoq, kisiannili aningaasartuutaasartunut sakkortuumik aqutsinerit angusarineqartut siuariartornerisa ilaannut malunnartumik iluaqutaasimapput.  Taakku saniatigut assartukkanut akit qaffaaffigineqarnerat kaaviiaartitat, taamaalillutillu isertitat, 22 million koruninit missaannik qaffariarsimanerannut pissutaaqataapput. Kiisalu sammineqartuni akuersissutitaqanngitsuni sammisat amerlineqarnissaat ingerlatseqatigiiffiup iluatsissimavaa, Namminersorlutik Oqartussanit tusagassiutinut nalunaaruteqartoqarpoq.

Jens Andersen soraarninngorpoq
Pisortamut tunuartumut Jens Andersenimut ataatsimeersuartarsimanerni arlaqartuni taanna kingulliuvoq, taanna soraarninngorniarluni aalajangerpoq Verner Hammekenimillu aasaru kingoraarneqassalluni.

- Nuannerpoq Royal Arctic Line-p siorna amingartoorutit ukioq manna sinneqartoornermut saatimmagit, ingerlatseqatigiiffiullu aningaasartuutikillisaaneq aamma suli pingaartittorujussuummagu. Tamanna iluatsillugu pisortaasimasoq ukiuni arlalinni suleqatigineranut qujavunga. Inuttut ikinngutaalluarsimavutit ukiullu qaangiunneranni oqaloqatigiittarsimanivut pingaarteqaakka. Pisortamut nutaamut aamma tikilluaqqusivugut Kalaallillu Nunaannut tikilluaqqigit, Naalakkersuisut siulittaasuat Kim Kielsen, Siumut, Jens Andersenimut oqarpoq.
 
Ataatsimeersuarnermi siulersuisut tamarmik qinerneqaqqipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER