Skip to main content

RAL silap pissusianut tunngasumik naatsorsuiniarpoq

Royal Arctic Line 2020-p ingerlanerani ingerlatseqatigiiffiup silap pissusianut, avatangiisinut inuiaqatigiinnullu sunniutaanik ukkatarinnippoq, taamaalilluni eqqartumik silap pissusianut tunngasumik naatsorsuusiorniassagami.

Umiarsuaatileqatigiiffiup Namminersorlutik Oqartussanit pigineqartup, Royal Arctic Linep, allaffissornikkut sulisoqarnermut annertusaaniarluni aningaasanik immikkoortitsivoq, taamaalilluni “silap pissusianut, avatangiisinut inuiaqatigiinnullu sapinngisamik annertunerpaamik naleqalersitsisinnaasunik toqqartuisinnaanissatsinnut ikorfartuisussamik, minnerunngitsumillu ilorraap tungaanut ingerlasoqarneranik uuttortaanissamik suliaqartitsisoqalerpoq”.

- Silap pissusianut nammakkiutaasunut naatsorsuutinik eqqornerusunik saqqummiussissagaanni tamatuminnga suliaqartussat, paasissutissanik eqqortumik katersuinissaq nalunaaruteqartarnissarlu pisariaqarpoq, inuiaqatigiinnilu susassaqartut allat suleqatiginissaat aamma pisariaqarluni. Suleqatigiinnerlu taanna 2020-mi eqeersimaartumik atorluarparput, siunissamilu aamma ingerlatiinnarniarparput, ingerlatseqatigiiffik qanittukku CSR pillugu 2020-mut nalunaarusioqqammisoq taama ilisimatitsivoq.

Naalakkersuisut iliuusissaannik ujartuisoq
Umiarsuaatileqatigiiffik Naalakkersuisut nutaat nunatta Naalagaaffiit Peqatigiit nunarsuarmi anguniagaannut 17-inut tunngatillugu suliniuteqarnissamut tigussaasunik anguniagaqarnissaat periusissanik ujartuivoq, piujuartitsinissamik suliniuteqarnerup annertusarnissaanut inuiaqatigiinni ataatsimoorluni suliniuteqarneq ataatsimoorfiusumik siunnerfeqarnikkut nukittorsarneqassasoq isumaqaramik.

- Kalaallit Nunaanni ingerlatseqatigiiffiuvugut, inuiaqatigiillu kalaallit tamaasa piujuartitsinissaq tunngavigalugu ineriartortinnissaasa eqeersimaartumik peqataaffiginissaanut pisussaaffeqarlutalu akisussaaffeqarpugut, umiarsuaatileqatigiiffik naqissusiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER