Skip to main content

RAL qerisuusivinnut ulikkaaqqasunut ikiuissaaq

Uummannami Royal Greenlandip tunisassiorfiani qerisuusiviit ulikkaarmata tunisassiorfik matugallarpoq. Royal Arctic Line ikiuiniarluni tikissaaq

Royal Arctic Line-p Malik Arctica Uummannaliartilerpaa sikumik aserorteriartortillugu quersuarniillu ulikkaaqqasuniit qaleralinnik aallertillugu.

Malik Arctica sikumik aserorteriitigaluni Uummannamukaassaaq, tassanngaanniit Minik Arctica Pajuttaallu Uummannamut tulallutik qaleralinnik aallissallutik.

Minik Arcticap Pajuttaatillu qalerallit qerisut Malik Arcticamut assartussavaat, Malik Arcticallu pallet 800-1.000-it missaanniittut usiliutissavai.

Ima pisoqassaaq
- Kingorna Malik Arctica kujammukarluni aallassaaq. Minik Arctica aamma qaleralinnik usilersorneqassaaq Aasiannut ingerlatassaminik, tassanngaanniit Atlantikukkoortaammut Danmarkimut ingerlasussamut usiliunneqartussanik. Pajuttaat periarfissaqassaaq nassiussanik Uummannameersunik useqarnissaminut. Umiarsuit taakku pingasut katillugit palle-t 1.800-2.000-it missaaniittut usiliutissavaat, qalerallit aammalu nassiussat nalinginnaasut, Royal Arctic Line nittartakkamini allappoq.

Malik Arctica-p Aasianniit aallarnissaa naatsorsuutigineqarpoq sapaammi 12. maj  unnukkut pissasoq, Uummannamullu tikinnissaa, Minik Arctica Pajuttaallu ingerlaqatigalugit, naatsorsuutigineqarpoq ataasinngornermi 13. maj pissasoq.

Mianersoqqussut
- Royal Arctic Linep matumuuna aamma qamuteralannik ingerlasartunut qimussertartunullu erseqqissaatigerusuppaa, sikup aserorterneqareernerani ingerlaviginissaa ulorianarsinnaammat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER