Skip to main content

RAL pisortaqarfimmi annertusaasoq

Royal Arctic Line ukiumi nutaami annertuunik suliassaqarnerata kingunerisaanik siulersuisut pisortaqarfimmi marlunnik annertusaapput

Pisortaaneq Verner Hammeken Namminersorlutik Oqartussat umiarmiarsuaatileqatigiiffiani kisimi pisortaasimavoq, umiarsuaatileqatigiiffiullu aqutsisuininngaanneersunik marlunnik suleqateqalissaaq.

Aviâja Lyberth Lennert 1. januar 2019 aallanerfigalugu pisortaanerup tullinngortinneqassaaq taamaasillunilu Verner Hammekenimut paarlatsissamaataalerluni. Taanna Arctic Umiaq Line A/S-imi pisortaanginnassaaq.

Aviâja Lyberth Lennert 2019-imi januarip aallaqqaataani pisortap tulliatut atorfeqalissaaq, Verner Hammeken-imullu kingoraartaasassalluni. Aviâjap Arctic Umiaq Line A/S-imut pisortaanini ingerlatiinnassavaa.Peter Christoffersen 

Peter Christoffersen, aningaasaqarnermut pisortaanini CFO tunngavigalugu Pisortaqatigiinnut ilanngutissaaq, taamalu CFO/Aningaasaqarnermut Pisortatut taaguuteqalerluni.

- Suliffeqarfiup nutarterinera pillugu suliami pingaartumi pisortaqarnertigut sapinngisamik pitsaanerpaamik inissisimanissaq eqqarsaatigalugu amerlanernik akuulersitsineq siunertarisamut naleqquppoq, umiarsuaatileqatigiiffimmi siulersuisuni siulittaasoq Ulrik Blidort tusagassiuutinut nalunaarummi paasissutissiivoq.

Nammineersinnaanerulerneq 

- Pisortaqarfik anginerusoq iliuuseqarnissamut nukissaqartitsinerussaaq, taamalu sullitatta soqutigisaannik pitsaanerpaamik qulakkeerinnititsissalluni, pingaartumik pisortat sinnerisa iliuusissatut pilersaarutinut ingerlatseqqiinissaannut inissaqartitsissalluni, paasissutissiissutigineqarpoq.

Siulersuisuni siulittaasup ilanngullugu paasissutissiaraa, Pisortaqarfiup anginerusup pisortaqatigiit akornanni nikissinnaanissaq periarfississavaa, Pisortaqarfillu aamma taamaalilluni nammineersinnaanerulissaaq inunnut ataasiakkaanut pituttugaanani, aamma suliffeqarfiup iluani maligassiuisut amerlanerulissapput, taakkumi piginnaanilinnut isummertitsillutillu ineriartornissamut nukittunerusumut ingerlaqqinnissaq anguniarlugu pitsaasumik sunniuteqarfigisinnaavaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER