Skip to main content
RAL

RAL-p containerinik suliaqarnini iluatsikkiartorpaa

Containerinik tukattupilussuarmik apuussuisaqattaareernerup kingorna RAL-i torersiartorpoq. Sapaatip-akunnerata siuliani containeri ataasiinnaaq illoqarfimmut allamukaanneqarsimavoq.

Containerit amerlanersaat massakkut RAL-p apuuffissaanut apuuttalerpai.

Ingerlatsiviup pitsaassutsimik uuttortaanermi nittartakkaminut saqqummiussimasaani erserpoq sapaatip-akunnera 31-mi containeri ataasiinnaq kukkusumik apuunneqarsimasoq.

Taanna Nuummiit ikineqartussaanngikkaluarluni ikineqarsimavoq.

Taama inissisimaneq qaammatip ataatsip matuma siorna allarluinnaasimavoq. Sapaatip-akunnera 27-mi immikkut taasarialittut ajornerpaaffiusimavoq, tassani containerit katillugit 61-t umiarsuarmut ilaatinneqarsimanngikkunik illoqarfimmut kukkusumik niuneqartarsimallutik.

Atuaruk: Royal Arctic Linemi continerit 88-it kukkussutigineqartut

Sapaatip-akunneratalu tulliani containerit 23-t suliarinerlunneqarsimapput.

Taama inissisimalluannginnermut it-systemip nutaap suleriaatsillu nutaap atuutilertinniarnerit pissutaasimapput.

Sapaatip-akunnerinilu 29-mi 30-milu ilorraap tungaanut aallartoqarsimavoq. Taakkunani containerit tallimaannaat illoqarfinnut allanut niuneqarsimallutik. Sapaatip-akunnerta uuma siulianilu ataasiinnaalluni.

Nuanniitsortaqalaarpulli. Umiarsuimmi angallavissaattut pilersaarutaasimangaluit suli kinguaattoorfiupput.

Royal Arctic Linep erseqqissaatigissavaa umiarsuit ataani allassimasut pilersaarutinut sanilliullugit kinguaattoormata:

Mary Arctica ulluni arfinilinni kinguaattooqqavoq, Naja Arctica ulluni marlunni kiisalu Irena Arctica ulluni arfineq marlunni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER