Skip to main content

RAL-p Aalborgimi sulisut sinniisai ataatsimeeqatigisimangai

Sapaatit akunnerata aallartinnerani nalunaaruteqarneq Aalborg Havnip isumaqatiginninniarnernik aallartitsinissaamik pissuteqartoq, RAL-ip pisortaanerata Verner Hammekenip oqaatigaa

Verner Hammeken ullumi Aalborgimiissimavoq. Tassani sulisut kamaqqaqisut pingasunngornermi ullaakkut sulinerminnik unitsitsisimasut sinniisaat ataatsimeeqatigisimavai.

- Isumaqarpunga iliuuserisimasatsinnik, qanorli attaveqatigiinnermik ingerlatsisimanerput pillugu oqaloqatigiinnerit pitsaasumik ingerlassimallutigit, RAL-ip pisortaanera, Verner Hammeken Sermitsiaq.AG-mut oqarpoq.

Suliumajunnaarneq isumaqatigiissummik unioqqutitsinerupput. Marlunngornermi umiarsuaateqarfiup umiarsualivimmut 2022-mi isumaqatigiissut atorunnaarpat umiarsualiviup qimannissaa RAL-ip, Aalborg Havn A/S-mut oqaatiginninnerata kingorna suliumajunnaarneq pivoq.

Aalborgi isumaqatiginninniarnissaanik naalakkerneqassaaq

RAL-illu Aalborg Havnimut aammattaaq oqaatigisimavaa, taakku isumaqatigiissummit 2019-mi atorunnaarsitsinissartik kissaatigalugu tamannalu isumaqatiginninniarnernikkut ingerlanneqarnissaa kissaatigalugu.

- RAL-ip taamatut nalunaaruteqarneqa isumaqatiginninniarnernik aallartitsinissaq pissutaavoq.

- Aalborg Havnimut isumaqatiginninniarnernik aallartitsinissaq erseqqissumillu paasisaqarnissarput tunngavingalugit sulisut sinniisaat nassuiaateqarfigaagut, RAL-ip pisortaanera oqarpoq.

Nalunaaruteqarneq tusagassiuuteqarfinni sulisut aatsaat paasillugu kamassimaarnerat taassuma paasisinnaalluarpaa. Ukioq kingullermilu oktoberip qaammataani sulisut kantiinami ataatsimiisinneqarnerini Aalborgimit aninissaq pilersaarutaasoq paasitinneqarsimasut taassuma ilanngullugu tikkuarpaa.

- Siumut paasissutissiinissaq tamatigut ajornakusoorsinnaasarpoq, taamaattoq isumaqarpunga pitsaanerpaamik iliuuseqarsimalluta, Verner Hammeken oqarpoq.

Sulisut nassuiaateqarfiginissaat pingaaruteqartoq

Oktobarip qaammataani kantinaami ataatsimiinnerup kingorna RAL-i Aalborg Havn arlaleriarluni ataatsimeeqatigisarsimavaa. Tassani pitsaasumik oqaloqatigiinnerit ingerlanneqartarsimallutik, kisianni Verner Hammekenip Aalborg Havni RAL-ip anguniangaanik isumaqatiginninniarnernik ingerlatsinissani kissaatiginngikkaa malugisinnaavaa: Tassalu 2019-mi isumaqatigiissummit atorunnaarsitsinissamik piumasaqaat.

- Sulisut piffissami sivisuumik siunissaq qanoq issanersoq ilisimatinneqassanngippata, tamanna sulisunut ataqqinninnginnerulluinnartoq isumaqarpunga. 

Suliumajunnaarneq sivikitsuinnarmi pissasoq neriuutigaa

Verner Hammekenip qularinagu oqaatigaa umiarsuaateqarfiup pilersaarutimi anguniarnerini ingerlallaluartoq, kisianni anguniarnerinilu soorunami unammilligassaqarumaarluni.

- Aalborg Havnimut nassuiaateqarnitsinni Aalborgimi sulisutsinnut qanoq iluuseqarnissarput pissutaavoq.

- Taakku piffissami siunissartik qanoq ikkumaarnersoq ilisimanagu assorujussuaq ulapipput, tamannalu qujassutissaqarfigaarput, taanna oqarpoq.

Sulisut aqagu ullaakkut ataatsimeeqqissallutik isumaqatigiissutigisimavaat. Sulisulli sinniisaasa sulisut suliteqqilernissaannik iluatsitsissanersut taassuma eqqoriarsinnaanngilaa.

Kisianni suliumajunnaarneq piffisami sivikitsuinnarmi pissasoq soorunami neriuutigaa.

Kalaallit atuisarsatut suliumajunnaarnerup kinguneranik umiarsuit kinguaattooruteqarnerat qaqugu paasissavaat?

- Tamanna takorloornissaaluunniit kissaatiginngilara, Verner Hammeken oqarpoq.

Aamma atuakkit:

RAL-p Aalborgimi sulisuisa suliumajunnaarnertik attatiinnaraat

RAL-p Aalborgi qimakkaa

RAL: Kalaallit Nunaannut pitsaanerpaasussamik iliussaagut

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER