Angallanneq

RAL-p Aalborgi qimakkaa

Royal Arctic Linep Aalborg Havni nalunaarfigaa Aalborg Havn atoqqissanagu. Tassungalu taarsiullugu Aahus Havn atorneqalissaaq

RAL vil forlade Aalborg

Royal Arctic Line (RAL) Aalborgimut inuulluaqqusivoq.

Ingerlatitseqatigiiffiup tugasassiuutinut nalunaarutaani tamanna erserpoq, tassani umiarsualiviup atorneqartarnera unitsinniarlugu kissaateqarlutik Aalborg Havnimut ullumi paasissutissiisimallutik.

Royal Acrtic Linep angallannermik allannguinerminni Aarhus Havn tulaffigisalissavaat.

- Aarhus Havnip siunissami Danmarkimi tulaffigisalernissaanut peqqutaasoq tassaavoq Royal Arctic Lineminngaanniit ingerlatseriaaseq ajornaannerusoq pitsaanerusorlu kissaatigineqarmat. Atuisugut assartuinerup iluani pitsaanerusunik periarfissinneqassapput, pisortaaneq Verner Hammeken tusagassiuutinut nalunaarut aallavigalugu taama oqarpoq.

Nalunaaruteqarneq tupannartuunngilaq. RAL-imi arlaleriarluni nalunaarutigisarsimaavaa angalarsarnerminik allannguerusullutik.

Tamatuma allannguutit nassatarai RAL-ip siunissami aalajangersimasumik umiarsualivimmik taliffeqartarunnaarnissaa, kisiannili islandmiut suliffeqarfiutaat Eimskip suleqatigalugu umiarsualiviit arlallit atorneqalissallutik.

Taamaasiornikkut ineriartorneq periarfissallu nutaat pilersinneqarnissaat ingerlatitseqatigiiffiup neriuutigaa.

- Assartuinerup iluani Aarhusimut talittalertoqarnissaanut allannguineq Kalaallit Nunaata toqqaannarnerusumik avammut assartuisinnaanerani periarfissanik pilersitsissaaq. Royal Arctic Linemi ineriartornerup taassuma Kalaallit Nunaat ajornannginnerusumik niueqatigineqarsinnaanera ammaasiffigissavaa, taakkualu Kalaallit Nunaanni ineriartortitsisoqarnissamut periarfisseeqaassallutik, RAL-p siulersuisuini siulittaasoq, Kuno Fencker oqarpoq.

Powered by Labrador CMS