RAL nutaamik assartuutitaalerpoq

Royal Arctic Linep assartuutissaa Polenimi umiarsualivimmit Danmarkimut aallassaaq piffissami aggersumi. Umiarsuaq, Islandimit Tasiilamut assartuisartussaq, Nanoq Arcticamik taajuuteqassaaq

Royal Arctic Linep assartuutissani, Nanoq Arctica, piffissami aggersumi tigussavaa. Umiarsuaq Polenimi umiarsualivimmit Danmarkiliaanneqassaaq.

- Umiarsualivimmit isumaqatigiissutit kingulliit suliarineqarput, sapaatip akunnerani matumani taakku inissinneqarnissaat naatsorsuutigineqarpoq. Umiarsuup Kalaallit Nunaannut apuunnissaa juunip naanerani pissasoq naatsorsuutigineqarportaaq, Royal Arctic Line Sermitsiaq.AG-mut ilisimatitsivoq.

Nanoq Arctica sikusiorsinnaasutut immikkut ittumik sanaajuvoq, 35-nik issittumi sulisinnaanngorlugu ilusilersugaalluni. Marlunnik kraneqarpoq, siuaniittorlu umiarsuup saavaninngaanniit usilersornermut usingiarnermulluunniit atorneqarsinnaavoq, soorlu Ivalo Arctica aamma Minik Arctica taamatut sulisinnaasut.

Nanoq Arctica Islandimit Tasiilamut assartuussisassaaq.

Powered by Labrador CMS