RAL norskit issittumi ilisimatusarnerannik nukittorsaasoq

Royal Arctic Line ukiorpassuarni norskit Qalasersuaq Kujallermi ilisimatusarfiannut pilersuisuusimavoq, suleqatigiinnerlu Norsk Polarinstitutip ilisimatusarneranut pingaaruteqartoq, pisortaq erseqqissaavoq.

Norsk Polarinstitutt Norsk Polarinstitutt Norsk Polarinstitutt Norsk Polarinstitutt Norsk Polarinstitutt Norsk Polarinstitutt Norsk Polarinstitutt

Royal Arctic Linep umiarsuaataa Malik Arctica maanna angerlarsimaffimminit ungasissupilussuarmiippoq. Ullunimi makkunani Qalasersuaq Kujallermi norskit ilisimatusarfiata Trollip avataaniittumi sermerp sinnaani usigiaavoq.

RAL Norsk Polarinstituttilu 2007-imili ukiut tamaasa pilersuinrmi suleqatigiissimapput. Umiarsuaatileqatigiiffik umiarsuaq ukiuunerani atorneqanngitsoq atorlugu norskit ilisimatusartuinut pilersuinermik pingaaruteqartumik suliaqartarpoq, Kim Holmén Norsk Polarinstituttimi nunanut tamanut pisortaq nassuiaavoq.

- Ukiut arlalialuit matuma siornatigut norskit issittumi ilisimatusarnerminni umiarsuassaat nutaaq ”Kronprins Haakon”, 2018-imi atuutsinneqalersoq titartarlugu aallartikkatsigu aalajangersimavugut, umiarsuaq usinik assartuisarani ilisimatusarnerinnarmut atorneqartassasoq - tassa nunat allat umiarsuarnik ilisimatusarnermut usinillu assartuinermut atorneqartussanik sanasartut assiginagit.

RAL nersualaarneqartoq

- Royal Arctic Linemik suleqateqarluarnitsigut taamatut aaqqiissuteqarsinnaasimavugut, taamaammat maannakkut ilisimatusarnermi umiarsuaateqalersimavugut ilisimatusarnissamut pitsaanerpaamik atugassaqartitsisumik, aamma aasaanerani ilisimatusarfimmut pilersuisariaqarata sulisinnaalersimalluta, Holmén Kalaallit Nunaanni umiarsuaatileqatigiiffimmik nersorinninnissamut tunuarsimaanngitsoq nassuiaavoq:

- Suleqatigiinnerput pingaaruteqarluinnartuuvoq suliassamillu pingaarutilimmik norskit issittumi ilisimatusarnrannik nukittorsaallunilu siuarsaasumik naammassinnittuulluni, pisortaq oqarpoq.

Malik Arctica aamma piffissami matumani ilisimatusarfittut atorneqarsimavoq, umiarsuaq pilersuinermut Trollimilu sulisussanik nutaanik angallassinermut atorneqartussatut atuutsinneqaraluartoq.

Umiarsuarmi ilisimatusarneq

Malik Arcticap Capetownimiit Qalasersuup Kujalliupt tungaanut ingerlaarnerani ilisimatusartut Qalasersuup Kujalliup imartaata kaaviiaarneranik misissuisimapput, tassani sikup ataanit misissugassanik tigusaqartarlutik aamma Qalasersuup Kujalliup eqqaani immap sikuanit qillerisarlutik.

- Paasissutissat taakku siunissami sumiiffimmi suliaqartarnissatta pilersaarusiornerani atortassavavut - peqatigitillugu sumiiffimmi pineqartumi pinngortitap ataqatigiinnera paasisaqarfigissavarput, Kim Holmén oqarpoq.

Malik Arctica maannakkorpiaq sermip killinganiippoq, tassa norskit ilisimatusarfiata avataani. Usit tamarmik sermip qaavanut qaqinneqartarput, norskillu namminneerlutik usit Trollimukaattarpaat. Malik Arctica sapaatip akunnerata naanerani avannamut aallaqqissaaq, Kalaallillu Nunaata tungaanut aallannginnermini Capetownimi inuttanik taarsiissalluni.

Ilisimatusarfik Troll maannakkorpiaq ilisimatusartunik 26-nik teknikerinillu sulisoqarpoq. aasaanerani sulineq naammassippat taakku ilarpassui Norgemut utissapput, ukiulli tamaasa ukiuuneani assassorlutik suliaqartartut arfinillit ilisimatusarfimmik ingerlatsisarput.

Powered by Labrador CMS