Nerisassat

RAL nerisassarpassuit millionilikkuutaanik nalillit tamaagaannartinneqarnerinut pissutaasoq

Brugsenip kaaviaartitassarpassuani Royal Arctic Line'p qaammatini tallimanngortuni kinguaattooqattaavinnerata kingunerisaanik annaasaqarpoq.

- Sapaatip-akunnerini arlaleriarluta 100.000 koruunik kaaviaartitaqarnissaraluarput annaasaqartarsimavugut, tassunga pissutaavoq nioqqutissat piffisami sivikitsuinnarmi piusinnaasut tigunerini aseruuttarsimagaarmata, pisiniarfimmulluunniit eqqunnagit allaat kasiilertariaqartarlutigit, tuniniaanermut pisortaq Jes Nyborg, Brugseni Nuummi atorfeqartoq, Sermitsiaq.AG'mut oqarpoq.

Aningaasat annaaneqartut

Nioqqutissat piffissami sivikitsuinnarmi piusinnaasut pillugit, tuniniaanermut pisortap nassuiaatigaa, naatitat pingaartumik pineqartut.

- Nioqqutissanik amigaateqartilluta – soorlu naatsiaat, taamaattoqartilluguli pisiniat pisiniarfimmut allamukartarput. Tassanilu qisuariaat naliginnaasuuvoq, tassa qularnaatsumik iliuuseqarumalluni saniatigut allanik pisisoqarnera. Aap, nioqqutissani immikkuullarissuni katersineq aallartittarpoq. Aningaasallu isertitassaraluagut annaasarpagut, Jes Nyborg, Royal Arctic Line'p nassiussanik piffissaq eqqorlugu apuussiniapiloornera pillugu oqarpoq.

Halloweeniliivinnerani Brugseni RAL'p umiarsuaataaniittuuteqaraluarpoq palletsimik angisuumik græskarinik ulikkaartumik, taannalu sisamanngorneq kingullerlu Nuup umiarsualivianeereertussaangaluarpoq. Umiarsuarlu aatsaat ullumikkut tikippoq palletsillu graskarinik imallit aqagu pisiniarfimmiilissapput. Halloweenip ulluata aqaguani.

Kina juullimi juullip orpiliaanik pisissava?

Niuertarfiit apeqqut massakkut ajornartorsiutaat tassaavoq: Kina juullimi juullip orpiliaanik – akia apeqqutaatinnagu – 25. demberimi pisissava?

Ataasinngornerup unnukkuani Pisiffik Brugseniluunniit Nuummi pisiniarfissuarni græskariuteqaratillu baconiuteqanngillat.

- Taamatut niuertarfimmik ingerlatsiniarneq assut alianarpoq, Jes Nyborg Brugsenimi atorfilik naatitat pillugit unammillerneqangaatsiartoq, oqarpoq. Kisianni qularnaveeqqusiivoq pisiniarfiit aqagumiit Danmarkiminngaanneersunik baconeqalerlunilu naatsiiaqaqqilissasoq, Royal Arctic Line'p containeri pineqartoq Aalborgimut puiorsimanngippagu.

Aamma atuaruk: Royal Arctic Line'p containerit arfineq-pingasut Tasiilamut puiorai

Umiarsuaatileqatigiiffiup ippassaq pitsaassutsimik uuttortaanermini paasissutissiaraa, sapaatip-akunnera 43-rumi containerit qulit suliarinerlutaasimasut.

Powered by Labrador CMS