RAL matoorinerminik ingerlatsisoq: 80-it soraarsitaasimasut
Royal Arctic Line isumaqatiginninniareerluni, Aalborgimi sulisunik 80-it missaanniittunik soraarsitsisimavoq.
Namminersorlutik Oqartussat umiarsuaatileqatigiiffiutaata decembarip qaammataani nalunaarutigaa, Aalborgimi sulisut 100-t missaanniittut soraarsinneqarnissaannik kalerriisimallutik.
Umiarsuaatileqatigiiffiup sulisut sulisullu kattuffii manna isumaqatigiissuteqarfigisimavai, sulisullut 80-it soraarsinneqarsimallutik, umiarsuaatileqatigiiffik nittartakkamigut ilisimatitsivoq.
Ifølge RA-imit oqaatigineqarpoq, isumaqatiginninniarnerit januaarimili ingerlanneqarsimasut:
- Isumaqatigiinniarnernilu angusat timitalerneqarnissaannut maanna piffissanngorpoq. Taamaammat Royal Arctic Linep quersuarmi, terminalimi sullivimmilu sulisut 80-it missaanniittut soraarsippai. Allannguuteqartitsineq sulisunut allaffissornermik suliaqartunut sunniuteqassanngilaq, Royal Arctic Line allappoq.
Umiarsuaq kingulleq juunimi Aalborgimiit aallassasoq
RAL-ip Aalborgimi umiarsualivimmik tunngavittut umiarsualiveqarunnaarnissaanut atatillugu soraarsiortortitsisoqarpoq. Danmarkimut Danmarkimiillu assartuisarneq siunissami Islandimi Eimaskip suleqatigalugu assartuisarnissaq Aarhusip umiarsualivianiit pinerusalissaaq.
Aalborgimit naggataamik juunip qaammataata naanerani aallartoqarnissaa Royal Arctic Linep naatsorsuutigaa.
- Terminalimi ingerlatsisoqaannassaaq kiisalu atortunik Aalborgip umiarsualivianut utertitsinissamut atatillugu suliaqartoqassalluni, tamannalu ukiup naanerani naammassineqartussatut naatsorsuutigineqarpoq, nittartakkami allassimavoq.