RAL: Kalaallit Nunaat ukiumut 80 millioninik iluanaaruteqartassaaq

Aalborgip umiarsualivianit 200 millionit koruuninik taarseeqqusissuteqarneq, maannalu aamma suliumajunnaarnerup qaangiuttut RAL-ip pisortaaneranut Verner Hammekenimut allamut saatitsivoq.

Nunami angallaviginninneq tamarmi naqqaniik allanngortinneqassaaq, Aalborgimi aamma eqqissiviilliorneq ilanngunneqartariaqartut ilagaat.

- Tamanna Kalaallit Nunaannut naleqarnerulersitsissaaq, tamannalu malittarisaraarput, Verner Hammeken Sermitsiaq.AG-mut oqarpoq.

Taava aperisoqarsinnaavoq: Taamatut allannguineq akeqarpa? Aap, akeqarpoq.

Kisianni ajunngitsumik ingerlavugut? Aap, ajunngitsumik ingerlavugut.

Nassiussineq akikinnerusoq aamma nunatsinni suliffiit
Verner Hammekenip umiarsuaateqarfik ajunngitsumut ingerlaneranik isumaqarnerat kisitsisinik pissuteqarpoq. Taakkulu tassaapput 80 millionit. Kalaallit Nunaata Aalborgimut taarsiullugu Aarhusimit angalasalernikkut iluanaarutigisassai.

Nassiussinerup akikinnerulernissaanik iluanaaruteqarneq ilaatigut pissuteqarpoq.

Kisianni malunnaatilimmik kalaallit avammut nioqquteqarnerata nalinga, Danmark aqqutigalugu ingerlanermini 350 millionit koruunit sinnerlugit qaffariassaaq.

Containerit soorunami Aalborgimiikkunik imaluunniit Aarhusimiikkuni suli suliarineqartartussaapput, taamaammat tassanngaanniik minnerusumik Kalaallit Nunaannut iluanaaruteqarfiusinnaavoq. RAL-ip tamanna 36 millionit koruuniunissaa naatsorsorsimavaa.

Tassani naatsorsuusiami aalisakkanut suliffeqarfissuit Jyllandip avannaanit Kalaallit Nunaannut nuunneqarsinnaassasut ilanngunneqarsimavoq.

Toqqaannartumik avammut niuerneq
Angallassinerup aaqqissuussaanerata nutaap tunngavigaa, Kalaallit Nunaat siunissami RAL aqqutigalugu toqqaannartumik avammut niuersinnaalernissaa, Danmark akunnermiliuttoralugu akitsorsaanermut taarsiullugu.

Angallassineq umiarsuarnit pingasunit pissaaq, taakku maanna umiarsuarineqartunit anginerupput. Ulikkaarniarlugit Savalimmiut aamma Island angalasassapput. Umiarsuit marluk Islandimiunit Eimskipimit pigineqassapput, ataaserlu RAL-imit.

Umiarsuit sapaatip-akunnerakkaartumik Nuummut tikissinnaanissaannik tamanna kinguneqassaaq.

Kisianni Eimskipimi suleqateqarneq toqqaannartumik aningaasanik iluanaartitsisuunngilaq. Kisianni amerlanerusunik periarfissaqartitsissaaq.

- Atlantikup Avannaani Eimskipimik suleqateqarneq ullumikkumit ''akikinnerunngilaq''. Taamatut inernilersinnaanngilarput, tassami assigiinngitsorpassuit apeqqutaasinnaagamik, RAL pilersaarutitik pillugit paasissutissani allappoq.

- Kisianni Atlantikup Avannaani Eimskipimik suleqateqarneq aningaasaliinernut, aningaasartuutinut aamma Kalaallit Nunaannut niueqatigiinnermut periarfissat pitsaasut eqqarsaatigalugit toqqagassat pisariinnersarigaat neriorsuutigisinnaavarput, tassani allaqqavoq.

RAL-ip Aarhusimit sapaatip-akunneranut sumiiffinnut 37-nut containerinik ingerlatitseqqissinnaaneranut periarfissat pitsaasut ilagaat, Aalborgimit taamaallaat 19-t ingerlatitsiffiusinnaapput.

Aappaattut Eimskipip nammineerluni attaveqaatai RAL-ip iluaqutigisinnaavai, Reykjavikimiillu toqqaannartumik USA-mut aamma Europami umiarsualiverujussuarnut Rotterdamimut aamma Hamborgimut containerinik nassiussisinnaalluni. Taamatullu aamma killormut nioqqutinik pissarsisinnaalluni.

Aamma atuakkit:

RAL naqissusiivoq: - 2019-imi Aalborg qimassavarput

Aalborg Havn: Isumaqatiginninniartoqassanngilaq

Aalborgimi RAL-imi sulisut sulinertik aallarteqqippaat