Skip to main content
RAL

RAL: - Isornartorsiuineq ilisarisinnaanngilarput

Royal Arctic Linep sapaatip-akunnerini kingullerni umiarsuaatileqatigiiffimmut isornartorsiuineq ilisarisinnaanngilaa, tunngavissaqanngitsutullu oqaatigalugu

Royal Arctic Line qaammatini kingullerni atuisunit annertuumik isornartorsiorneqartarpoq, kisianni umiarsuaatileqatigiiffiup sapaatip-akunnerini kingullerni isornartorsiorneq paasisinnaanngilaa.

Atuaruk: Sullitat naammaginnikkunnaavipput: -RAL ingerlanerluppoq

- Isornartorsiuineq tunngavissaqanngilaq
- Taamaammat Royal Arctic Linep sapaatit akunnerini kingullerni nalinginnaasumik ilaatigullu sakkortuumik isornartorsiuisoqartarnera paasiuminaatsippaa. Isornartorsiuineq ingerlatsinitsinnut naleqqiullugu tunngavissaqanngilaq. Sullitavut Royal Arctic Line pillugu immikkut ajornartorsiuteqarnerunik aaqqitassanik, ikiuunnissatsinnut soorunami piareersimajuaannarpugut, umiarsuaatileqatigiiffik tusagassiuutinut nalunaarummi allappoq.

Aamma atuaruk: Royal Arctic Line pilersaaruteqarani umiarsualivinnut tikittannginnerartoq

Assigiissaarineq pitsanngorsaanerlu
- Tamanna assigiissaarinikkut pitsanngorsaanikkullu sulissutigaarput. Atlantikumiittut allat suleqatigalugit sunniuteqarluarnerpaamik assartuussiniarpugut. Umiarsualivinnut atassuteqaatit pitsaanerpaat atorlugit taamaaliussaagut. Kalaallit Nunaanni sulisutta nunarsuarmi assartuussinikkut attaveqatigiinnut peqataasinnaanngorlugit ineriartortinnerisigut taamaaliorniarpugut. Allannguinerit pisariaqartut RAL tamakkerlugu ilungersuullugit sulissutigineqarput. Ingerlatseqatigiiffik pisariinnerulersinniarparput, aningaasalersuivugut, allanngortiterivugut, systeminik, suleriaatsinik niuernikkullu kulturimik allanngortitsivugut, RAL taama oqariartuuteqarpoq.

Umiarsuaatileqatigiiffiup suli amerlasuunik aaqqitassaqarnini nassuerutigalugu angulertornerarpaa.

Danmarkimi umiarsualivimmik aalajangersimasumut isumalluuteqanngitsoq 
- Royal Arctic Linep Kalallit Nunaata ineriartornera kingumut ukkatarineqalersissavaa allannguinerillu saqqummiussagut Kalaallit Nunaannut tamarmut iluaqutaassapput. Allannguinerit Kalaallit Nunaat atlantikup avannaani qeqertaannaajunnaarsissavaat Danmarkimi umiarsualivimmik aalajangersimasumik isumalluuteqartoq. Allannguinerit kingunerisaannik Kalaallit Nunaat siunissami pisariinnerpaamik toqqaannartumillu niueqatigineqarsinnaanngussaaq. Allannguinikkut Kalaallit Nunaanni tunisassiat nunarsuup sinneranut nassiussornissaannut pitsaanerpaanik atugassaqartitsinissaq qulakkeerneqassaaq.

Royal Arctic Linep piffissamik eqquisinnaassuserput 2018-imi januaarimiilli nalinginnaasuusoq ukiup qanoq ilinera eqqarsaatigissagaanni naqissuserpaa, aamma containerinik ingerlatsineq aalaakkaasuunerarlugu.

- Nutaanik sanaartorluta, suleqateqarluta allanillu piareersaateqarluta inissikkiartorpugut. Allanngortitsinissamik ingerlatatsinni aningaasaqarnikkut suleqatigisatsinnit pisariaqartumik tapersersorneqarpugut. Siunissami aqqutilersuutitigut aaqqiissutissap Kalaallit Nunaannut periarfissaqarluartitsinissaa kisimiilluta upperinngilarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER