Skip to main content

RAL isornartorsiorneqareernermi kingorna: Pisinnaasat aallaavigalugit atorfinititsisoqartarpoq

Royal Arctic Linep Aalborgimi immikkoortortaqarfiani kalaallinik sulisoqarpallaannginnera Siumup folketingimi ilaasortaatitaanit Doris Jakobsenimit tupigusuutigineqarpoq. Kalaallit amerlanerusut qinnuteqartalernissaat suliffeqarfimmit neriuutigineqarpoq, kisianni qinnuteqartut assigiitsuliorfigineqarsinnaanngitsut RAL-imit oqaatigineqarpoq

Royal Arctic Linemi Aalborgimiittumi kalaallinik sulisoqarpiannginnera folketingimi ilaasortamit Doris Jakobsenimit Siumumeersumit tupigusuutigineqarpoq, tamanna Sermitsiaq.AG-mit marlunngormat allaaserineqarpoq. 

- Suliffeqarfik kusanartoq ingerlalluartorlu, 145-nik missaannik sulisoqarpoq. Taakkunannga kalaallit pingasuinnaat suleqataapput. Aap, atuakkat takkorliunngilat. Ilumut uagut nammineq suliffiutitsinni kalaallit pingasuinnaat sulipput, Doris Jakobsen oqarpoq. 

RAL: Pisinnaasat aallaavigineqartarput
Folketingimi ilaasortamit isornartorsiuisoqarnera Royal Arctic Linemit qisuariarfigineqarpoq.

- Pingasuinnarnik kalaallinit aallaavilinnik sulisoqarneranik oqartoqarnera eqqunngilaq. Kisianni uani apeqqutaanngilaq qassit sulinersut. Uani pingaaruteqartuuvoq: Kalaallit amerlanerusut qinnuteqartalernissaat qanoq iliuuseqarfigineqarsinnaava ataatsimut. Doris Jakobsen aamma uunga suliamut attuumassutillit tamanna pillugu oqaluusererusupparput. Oqaannartoqarsinnaanngilarmi Danmarkimi suliffeqarfimmi ima kalaallit amerlatigisut sulisorineqassapput. 

- Qinnuteqartut assigiinngitsuliorfigineqarsinnaanngillat. Qinnuteqartut pisinnaassusaat aallaavigalugit Royal Arctic Linemut atorfinititsisoqartarpoq. Tamanna inatsimmiippoq. Kalaallit qinnuteqartut amerlaneq ajorput, aamma unammilleqatigiittoqarpoq, Nuummi Royal Arctic Linep attaveqaqatigiinnermut pisortaa Jakob Strøm oqarpoq.

Iliuuserisinnaasanik ujartuineq
Royal Arctic Logistic danskit suliffeqarferigaat oqaatigaa, suliffeqarfilli Kalaallit Nunaannit pigineqartuulluni. 

- Tassunga atatillugu Royal Arctic Logisticip sulisut amerlisarniartuarpai. Anguniakkalli assigiinngissutaarput, oqaannartoqarsinnaanngilarmi sulisorineqartut amerlisarneqassasut. Qinnuteqartartut amerlanerulissappata nuannaarutigissavarput, kisianni neriorsuisinnaanngilagut kalaallit toqqaannartumik atorfinitsinneqartalernissaat, attaveqaqatigiinnermut pisortaq oqarpoq. 

- Kisianni suliffeqarfiup ilinniartitsisarnini immaqa pitsaanerulersissinnaavaa, Doris Jakobsenip aamma tamanna eqqartorpaa. Aningaasartuutigineqartulli aamma eqqumaffigineqassapput, Kalaallit Nunaannimi ilinniartitsisarnernut eqquinnginnissaa aamma eqqumaffigineqartariaqarmat, Jakob Strøm oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER