Skip to main content

RAL-ip umiarsuaatai arlalinnik unammilligassaqartut

Pissutsit arlallit pissutigalugi Royal Arctic Linep umiarsuaatai sumiiffinni assigiinngitsuni kinguaattooqqapput

Royal Arctic Linep assartuutai teknikkikkut unammillernartut, nassiussat annertunerat kiisalu silap unerisimannginnera pissutigalugit unammillernartitaqarput.

Pingaartumik Kujataani, Avannaani Tunumilu nassiussanik assartuiniarneq unammillernartinneqarpoq, umiarsuaatileqatigiiffiup Facebookiani tamanna atuarneqarsinnaavoq.

Umiarsuaq angalasinnaanngitsoq

- Angaju Ittuk Kujataani nunaqarfinnut pajuttuisoq suli angalasinnaanngikkallarpoq. Pilersaarutillu malillugit Angaju Ittuup Kujataani angalanissai Aqqaluk Ittummit isumagineqalertussaapput, umiarsuarli silarlunnera pissutigalugu Tasiilami maannakkorpiaq sapernuvoq, RAL ilisimatitsivoq. 

Ilisimatitsissutigineqarpoq, Nanoq Arcticap pilersaarutit malillugit Tasiilap Reykjavikkillu akornanni angalalernissani sivisuumik utaqqinneqartoq aallartittussaagaluaraa, Reykjavikkiliannginnerminilu silagissinissaa utaqqimaaqqaassagaa, taamaattumillu Kujataani nunaqarfinnut nassiussat apuussornissaat isumageqqaassallugit.

Sila unerisimanngitsoq

Upernavimmut nassiussat apuunniarnissaat aamma unammillernartuuvoq.

- Ilaatigut nassiussat annertunerat silallu unerisimannginnera pissutigalugit pilersaarut kinguaattoorfiuvoq. Upernavimmut pigisaanullu ukiuunerani peqqumaatissat Royal Arctic Linemit apuutinngitsoornissaat ilimagineqanngilaq, Upernaviullu nalaa piffissamilu aggersumi sikujartulernissaa immikkut nakkutigaarput, RAL-imit oqaatigineqarpoq.

Nuannersortaa tassaavoq, Uummannamut Qeqertarsuullu Tunuanut nassiussanik apuussuinerit sunnerneqaratik ingerlanneqarnerat.

- Royal Arctic Linep sikusartunut ukiuunerani peqqumaatissanik pajuttuinerit maanna ingerlatileruttorpai. Sumiiffinni sikoqarnera ullut tamaasa malittaraarput, ilaatigullu nassiussat annertunerat, silap unerisimannginnera imaluunniit sumiiffinni ingerlatsinikkut pissutsit pissutigalugit kinguaattoorutaasut ilungersorluta angummanniarfigaagut, umiarsuaatileqatigiiffimmit oqaatigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER