RAL-ip umiarsuaataata pituutai anorersuarnerani kittorarsimasut
Savalimmiuni sakkortuumik anorersuarnerata kinguneranik Tukuma Arcticap, Torshavnimi tulaqqasup, pituutai kittorarsimapput, umiarsuarlu umiarsualivimmi sannikarluni inississimavoq. Taamatu pisoqarmat ajoqusertoqarsimanngilaq.
Royal Arctic Line arfininngorninngorluni unnuarortoq ilisimatitsivoq, Tukuma Arcticap pituutai Savalimmiuni anorersuarnerata kinguneranik kittorarsimasut.
Umiarsuaq Toshavnimi tulaqqasoq tamanna pisimavoq, umiarsuarlu umiarsualivimmi sannikarluni inississimalluni:
- Umiarsuup inuttaasa umiarsuaq ajoqusersimanersoq misissuleruttorpaat. Savalimmiuni anori Nunatta nalunaaqutaa malillugu aqagu ullaakkut atorsarussangatinneqarpoq, tassanilu umiarsuup ajoqusersimasinnaanera aatsaat iluamik paasineqarsinnaassaaq, umiarsuaatileqatigiiffik Facebookikkut allappoq.
Ajoqusertoqarsimanngitsoq
Royal Arctic Line naapertorlugu inunnik ajoqusertoqarsimanngilaq aamma uuliamik aniasoqarneranik pasinartoqarani.
Tukuma Arctica Århusip tungaanut ingerlasussaavoq pilersaarutillu malillugit arfininngornermi ullaakkut Torshavnimiit aallartussaagaluarluni.
Umiarsuaq Royal Arctic Linep Islandimiumik Eimskipimik assartueqateqarneranut ilaavoq.