RAL-ip umiarsuaataa ajornartorsiortunik annaassisimasoq

Inuit sisamat umiatsiaaqqamik arfininngormat angalanerminni motooriminnik unittoorsimapput, RAL-illu umiarsuaanit nunaqarfinnut assartuisartumit Aqqaluk Ittummit annaanneqartinnatik nalunaaquttap akunnerini tallimani tissukarsimallutik.

Tasiilap eqqaani arfininngormat aannaassiniarsimaneq ajunngitsumik inerneqarsimavoq, Kalaallit Nunaanni Politiit ilisimatitsipput.

Annaassiniarneq aallartinneqarsimvoq, inuit sisamat - angutit marluk arnallut marluk - Kuummiuniit Tasiilamut ingerlaartillutik motooriminnik unittoorsimanerat pissutigalugu.

Issittumi Sakkutooqarfiup umiarsuaataanik summiiffiup eqqaaniittoqarsimanngilaq, Royal Arctic Linelli nunaqarfinnut assartuissartuat Aqqaluk Ittuup ajornartorsiortoqartoq paasigamiut Tasiilamit aallarsimavoq, ajornartorsiortut ujaariniarlugit.

Nalunaaquttap akunnerini tallimani tissukarsimasut

Ujaasineq arfininngormat ualikkut nal. 14.50 ilutsinneqarpoq:

- Aqqaluk Ittummit attaveqarfigineqartigatik nalunaaquttap akunnerini tallimani tissukarsimapput, Kalaallit Nunaanni Politiit pigaartut psiortaat Malik Sandgreen oqaluttuarpoq.

Pigaartut pisortaata oqaluttuara, sumiiffimmi sila ajortoq aamma nalunaarutigineqarsimasoq.

Inuit sisamat taakku umiaatsiaaqqaminni tissukarusaarsimapput, qujanartumilli nunaqarfinnut assartuisartumit annaanneqaramik tamarmik ajorsimanngillat, umiarsuarmit Tasiilamukaanneqarsimapput.

Powered by Labrador CMS