Skip to main content

RAL-ip siulittaasuata nioqqutissat akikinnerulernissaat qilanaaraa

Siulersuisuni siulittaasup neriuutigaa Aalborgip umiarsualivittut atorunnaarneratigut EU-mut akitsuut, nioqqutissanik akisunerulersitsisoq pinngitsoorneqarsinnaasoq

Aalborg Havnip Kalaallit Nunaannut umiarsualivittut atorunnaarneqarpat Royal Arctic Linep siulersuisuisa siulittaasuata Kuno Fenckerip naatrsorsuutigaa nunarsuarmi qeqertat annersaannut nioqqutissanik avataanit eqqussuineq akikinnerulissasoq.

Sipaaruteqartoqarsinnaavoq Nuummi umiarsualivittaassarsuup aqqusaartarfittut atorneratigut - qitiusumik inissisimaffittut taaneqartumik, Reykjavikimi ukiumoortumik Arctic Circlemi ataatsimeersuarnermi siulersuisut siulittaasuat sapaatiummat oqarpoq.

– Ullumikkut Aalborg aallaavittut umiarsualivigaarput, takusinnaasakkali malillugit tamanna siunissami allanngussaaq, taanna oqarpoq.

EU-mut akitsuut
Kuno Fleischerip nunami allami aallaavittut umirsualiveqarusunnginneranut pissutaasut ilagaat nioqqutissat Kalaallit Nunaannut ingerlateqqinneqartartut akitsuuserneqartarnerat.
– Assersuutigalugu containeri Danmarkimi ammarutsigu EU-mut akitsuummik akiliissaagut, taanna oqarpoq.

Eimship
Royal Arctic Line islandimiullu umiarsuaatileqatigiiffiat Eimship, qaninnerusumik suleqatigiilernissamik siunertatut nalunaarummik maajimi atsioqatigiipput. Kuno Fenckerip naatsorsuutigaa isumaqatigiissutip kingunerisaanik ukioq manna kingusinnerusukkut peqatigiinnermik suleqatigiilissallutik. Neriuutigaalu siunissami aallanik isumaqatigiissuteqarumaarlutik.

– Silatuunik isumaqatigiissuteqartariaqarpugut Kalaallit Nunaanni atuisartunut akit appasinnerusut qulakkeerusukkutsigit. Sapinngisara tamaat ingerlatsivitsinnik Kalaallit Nunaat ineriartortinniarsaraara, Kuno Fencker oqarpoq.

Avammut tuniniaaneq
Tamatuma saniatigut Eimshipimik Nuummilu umiarsualivittaassamik ataatsikkut suleqateqarnikkut kalaallit tunisassiaannut nunani allani tuniniaavinnut anngussinnaalerneq ajornannginnerulissaaq, Kuno Fencker erseqqissaavoq. Aaqqissuussinikkut Kalaallit Nunaanni suliffiit amerlanerulissapput aammalu tunisassianik piareersakkanik aammut tuniniaanissamut periarfissaqarnerulissalluni, siulersuisut siulittaasuat naliliivoq.

– Siusinnerusukkut takoreersimavarput umiarsualivitsigut attaveqaatit siuariartornermik pilersitsisartut. Uagutsinnut tamanna pissaaq tunisassianik naleqarluartunik avammut tuniniaanikkut, Kuno Fenxker oqarpoq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER