forsyning

RAL-ip Danmarkimut Islandimullu angalasarnini annertusivaa

Royal Arctic Line Danmarkimit sapaatip-akunnerakkaartumik tikittalissaaq. Islandmik suleqateqarneq aamma annertusineqarpoq

Nassiussat amerliartorput, taamaattumillu Royal Arctic Linep Nunatta Danmarkillu akornnanni angalanertik annertusivaa

Kalaallit Nunaanniit Danmarkimut assartugassat amerliartuinnarnerat pissutigalugu Royal Arctic Lineimit angalatitsinerit ullut 9-12-iniit akuttussusilerlugit aaqqissuussat akulikinnerulersinnissaat aaliangiunneqarpoq, suliffeqarfik ilisimatitsivoq.

Sapaatip-akunnerakkaarlugu tikinneq
Maajip qaammataata aallartinneraniit Royal Arctic Linep Atlantiku ikaarlugu feederskibenillu angalatitsineri sapaatip-akunnerini ullunik aaliangersimasunik aallartarfilerlugit angalatittalissavai.

Tamannalu ingerlanneqassaaq decemberip qaammataa tikillugu, tassa naatsorsuutigineqarmat piffissap taamatut ilinerani assartugassat ikilineranni sapaatit akunnikkuutaartumik angalatitsisarnissaq pisariaarutissasoq.

Atuaruk: Royal Arctic Linep sinneqartoorutini annertusivai

Islandimut
Islandimut tikittarneq tassannga nunarsuup sinneranut attaveqarsinnaalerluni avammut tuniniaanissamut periarfissanik pitsaanerusunik peqarnissamik soqutiginnikkiartorneq tunngavigalugu Royal Arctic Linemit aaliangiunneqarpoq, Island kujammut ingerlanermi aqqusaarneqartalissasoq.

Island Europami umiarsualivissuarnut attaveqartuuvoq, taamallu nunarsuup sinneranut. Aallarniutaasumik kujammut ingerlanerni Island Royal Arctic Linemit sapaatip-akunneri pingasukkuutaarlugit tigummiinnassallugillu avannamut ingerlaarnerni sapaatip-akunneri pingasukkuutaarlugit aqqusaarinnittarnerit.

Powered by Labrador CMS