Skip to main content

RAL-ip avannaani illoqarfiit tikeriaqqilerpai

Royal Arcitic Linep nalilerpaa Uummannap Upernaviullu eqqaani siku saalilluinnarsimasoq, illoqarfinnullu assartuinissaq misilinneqaqqilerpoq. Siuana Arctica Upernavimmut ullumi tikissaaq.

Avannaani sikuunera nalilersoreerlugu RAL-ip Uummannaq aamma Upernavik tikeriaqqinnialerpai.

Siuana Arctica Upernavimmut ullumi tikissaaq, Maleraq Arcticalu Uummannamut tallimanngornermi 27. maj tikittussatut naatsorsuutigineqarpoq.

- Maleraq Arcticap angalanermini Uummannap illoqarfianut tikinniarnissaanut Malik Arcticap sikunik aserorterissutissavaa, ajornassanngippallu, Ikerasammut, Saattunut kiisalu Ukkusissanut sikunik aamma aserorterissalluni, RAL nittartakkamini ilisimatitsivoq.

Malik Arctica Uummannap eqqaani sikumik aserorterereeruni kujammut aallaqqissaaq.

- Tamatumunnga peqatigitillugu Siuana Arctica Upernaviup illoqarfianut aamma Aappilattumut angalassaaq taakkunanilu usingiarneqarlunilu usilersorneqassalluni, RAL ilisimatitsivoq.

Angalanerit allat allannguuteqartut

RAL Upernavimmut Uummmannamullu assartuinissani qaammat manna taamaatiinnartariaqarsimavaa sikoqarpallaarnera pissutigalugu.

RAL ilisimatitsivoq Uummannap sullua suli sikuummat, sumiiffimmut assartuinissamut pilersaarutit allanngoratarsinnaasut.

- Malik Arcticap Avannaani sikunik aserorteraluni ikiuuttussaanera pissutigalugu Sisimiunut angalanissaa Irena Arcticamut nuunneqarpoq, RAL allappoq.

Malik Arctica sikusiussammat Irene Arcticap Paamiut, Narsaq, Qaqortoq aamma Nanortalimmut assartuinissaanut pilersaarutit ullormik ataatsimik kinguaattuussapput. Kujataanilu sikorsuaqarnera pissutigalugu assartuinerit allannguuteqarsinnaaneri aamma eqqumaffigeqquneqarput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER