isumasioqatigiinneq
RAL-ip aalisarnermillu inuutissarsiuteqartut akornanni allaanerusumik suleqatigiilerneq
Isumasioqatigiinneq periarfissanik nutaanik ammaassivoq
Sulisitsisut Aalisarnermut Avammullu Tunisassiornermut Ataatsimiititaliaa Royal Arctic Line (RAL) suleqatigalugu aalisarnerup iluani uummarissaanissaq pillugu 27. september isumasioqatigiissitsivoq.
RAL-ip suliassavini salliutikkumallugit suliarisimasami ingerlassimasamilu ilaanik piaaneranut malitsigitillugu GE-mit RAL-imillu takuneqarsinnaalersimavoq oqaloqatigiinnissamut suleqatigiinnissamullu tunngavissat nutaat periarfisaalersut.
Isumasioqatigiittut
Tamakkulu ataatsimeeqatigiinnermi erserput, pisumilu saqqummiussisuupput RAL, Polar Seafood, Royal Greenland, Nuuk Transport aammalu Blue Water.
- Sulisitsisut tungaanit isumasioqatigiinneq iluarisimaaqaarput, Sulisitsisuni ataatsimiititaliami pineqartumi suilittaasua Henrik Leth ilisimatitsissuteqarpoq.
Atuaruk: RAL sipaarniarnerulerpoq
Aamma RAL-imi pisortaaneq, Verner Hammeken, isumasioqatigiinnermik iluarisimaarinnippoq. Naliliivorlu umiarsuaatileqatigiiffiup Kalaallit Nunaannik niueqatikkuminarnerulersitsinissamik ujartugaa qanilliallanneqartoq.
- Sulisitsisut isumasioqatigiissitsineratigut aallarnerneqarpoq aalisarnermik suliaqartuusunik siammasissumik suleqateqalernisaaq, Verner Hammeken oqarpoq.
Isumasioqatigiinneq Sulisitsisut ingerlatsiviillu allat isumaqatigiissuteqarlutik ataatsimeeqatigiittalernissaani siullersaavoq.