RAL-imi siulersuisut marlunnik nutaanik ilaqalersut

Royal Arctic Linemi siulersuisut marlunnik nutaanik ilaasortaqalerput, taakku tassaapput Julia Olsen aamma Erik Harald Edvard Sivertsen. Taakku Stefan Dirch Buch aamma Mai Lill Ibsen taarserpaat.

Ilaasortat nutaat marluk

Julia Olsen CBS-imi cand.merc.DAT-itut ilinniagaqarpoq, maannalu suliffeqarfimmi Anuami nammineq pilersissimasamini pisortaalluni. Anua it-mik aqutsinermi, suliniutinik aqutsinermi aqutsisunillu allannguinermi ikiuunnissamut piginnaasaqarluartuuvoq. Julia Olsen siusinnerusukkut Modulo ApS-imi suliniuteqarnermut pisortaasimavoq aamma Digitaliseeriinermut Aqutsisoaqarfimmi Tele Greenlandimilu suliniuteqarnermut pisortaasimalluni.

Erik Harald Edvard Sivertsen Halibut Greenlandimi pisortaavoq, North Atlantic Seafoordillu siulersuisuini siuittaasuulluni, aamma Great Greenlandip siulersuisuini ilaasortaavoq, pisortallu ingerlataqarfiini aningaasaqarnermik ineriartortitsinermillu suliaqartarnermik misilittagaqarluni.

Ataatsimeersuarnerit siullersaat

Ataasinngormat ataatsimeersuartoqarnera Namminersorlutik Oqartussat ingerlatseqatigiiffiutaasa ataatsimeersuarnissaanni siullersaavoq. Ataatsimeersuarneq internetsikkut ingerlanneqarpoq, kikkut tamarmik aqutsisut nalunaarutaannut malinnaasinnaatillugit.

Siulersuisut taamaalillutik ukuulerput:

• Ulrik Blidorf, siulittaasoq
• Erik Østergaard
• Miinannguaq Hilda Zeeb
• Julia Olsen
• Erik Harald Edvard Sivertsen
• Sulisunit toqqakkat pingasut

Aamma atuaruk: RAL sinneqartooruteqarlunilu nutaamik kukkunersiuisartoqalerpoq

Tele Greenland aamma Air Greenland ullumi marlunngornermi nal. 11.00 aamma 13.00 ataatsimeersuassapput.