Skip to main content

RAL-Eimskip assartueqatigiittarnissaat aallartinneqartoq

Tukuma Arcticap, Royal Artic Linep umiarsuaataata nutaap Eimskipimik ingerlaaqateqalernini aallartippaa, Dettifoss sisamanngormat Aarhusip umiarsualiviani containerinik usilersorneqarpoq.

Eimskipip umiarsuaataata aappaa Royal Arctic Linemik ingerlaaqateqartussaq, Aalborgimiit Aarhusip umiarsualivianut sisamanngormaat talippoq.

Eimskipip umiarsuaata marluusut aappaata, Brúarfossip, Kinami umiarsualiorfimmi sananeqarnera kinguaattooqqaffiummat ingerlaaqatigiinnerup aallartisarnera immikkoortunut marlunnut avinneqarpoq. Tukuma Arcticap VSA-mi angalanissamut pilersaarut juunip qulingani atulermagu immikkoortoq siulleq aallarnerneqarpoq, Eimskipillu umiarsuaa Dettifoss maanna tassunga ilanngutsinneqarluni, Royal Arctic Line nittartakkamini allappoq.

Mary Arctica sillimmatitut atorneqassasoq

Royal Arctic Linep umiarsuaa imarpikkoortaat Mary Arctica, ingerlaaqatigiinnerup immikkoortuata aappaata kingulliullu oktobarip 28-ani 2020-mi aallartinnissaata tungaanut, umiarsuit pingajuattut atorneqarpoq, tamatumalu kingorna Brúarfossip Danmarkimit Helsingborgimut, Frederikstadimut, Aarhusimut, Torshavnimut, Reykjavikimut Nuummullu aallarnissaa naatsorsuutigineqarluni. Umiarsuit taamaalillutik ingerlaaqatigiilissapput Royal Arctic Linellu Eimskipimik ingerlaaqateqarnera tamakkiisumik atulissalluni.

Assimi tulliuttumi takuneqarsinnaasutut, containerinut umiarsuaq Maerskip containerinut umiarsuaataanit, sisamanngormat Eimskipip umiarsuaataa Dettifoss Aarhusip umiarsualiviani talinngaqatigingamiuk mikinerorpaseqaaq.

Eimskipip containerinut umiarsuaataa nutaaq, RAL-ip umiarsuaatitaavatut nutaatut angitigisoq, Maerskip umiarsuaataata sanianiilluni mikerpaseqaaq
Jørgen Schultz-Nielsen
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER