Skip to main content

RAL DHL-imik suleqateqalersoq

DHL Royal Greenlandimut Islandimi sullissisunngorsimavoq, taamalu Royal Arctic Line Islandimiit Danmarkimut assartuinermi niuerfimmut ilanngulluni.

Umiarsuaatileqatigiiffik Namminersorlutik Oqartussanit pigineqartot Royal Arctic Lineq ilisimatitsivoq, DHL Global Forwarding nunarsuaq tamakkerlugu assartuussinikkut aaqqiissutissanik neqerooruteqartartoq suleqatigineqalersimasoq.

Royal Arctic Line Islandimi namminerisaminik allaffittaarani Royal Arctic Linep Islandimi soqutigisaanik isumaginnittussamik toqqaasimavoq, umiarsuaatileqatigiiffik tusagassiorfinnut nalunaaruteqarnermi ilisimatitsivoq immik nammineerluni ammaanissamut sanilliullugu.

- Matumani isumaqatigiissuteqarnitsigut DHL-ip nunarsuaq tamakkerlugu assartuussinikkut attaveqarfigisaanik atuisinnaalerpugut. Tamannalu Islandimi sullitarilerumaakkatsinnut pitsaalluinnartunik periarfissaqalersitsissaaq. Aammali Europamut, Amerika avannarliup nunavittaanut nunarsuullu sinneranut attaveqarnitsinni Islandip eqiteriffittut pingaarutilittut inissisimaneranut nukittorsaataassaaq.

- Nunatta niueqatigiuminarnerulersinnissaanut anguniakkatsinni annertuumik alloriaqqissaagut, Royal Artic Linemi pisoraaq Verner Hammeken oqarpoq.

Niuerfimmut ilaalerneq

Royal Arctic Line naapertorlugu, DHL-imik suleqateqalernikkut inissamik annertunerusumik atuisoqalissaaq, taamalu Kalaallit Nunaanniit Island aqqusaarlugu Danmarkimut assartuinermi inissamik sinneruttumi atorluaasoqalissalluni.

Royal Arctic Linemi pisortaanerup tulliata Aviâja L. Lennertip Sermitsiaq.AG-mut itisiliilluni oqaatigaa, Royal Arctic Linemi inissat atorluarniarlugit, Islandip Danmarkillu akornanni assartugassanik tuniniaanermik DHL isumaginnittassasoq:

- Angalanitsinni immikkut inissaateqartarpugut Islandimi niuerfimmut tuniniarsinnaasatsinnik. Islandip Danarmkillu akornanni niuerfimmut taamaalerluta ilaalerpugut,  Aviâja L. Lennert oqarpoq.

Isertitassatut naatsorsuutigisat kisitsisaatigineqanngitsut

Pisortaanerup tulliata Royal Arctic Linep tunisatigut qanoq isertitaqarsinnaanera suli oqaatigisinnaanngilaa. Erseqqissaatigaali inissanik pioreersunik atorluaanissaq pineqartoq, taamaaliornikkullu allatigut isertitaqarsinnaanissaq.

Eimskipimik assartueqateqartarneq eqqarsaatigalugu suleqateqarneq Royal Arctic Linep Islandimi niuerfimmut ilaalerneranut attuumassuteqanngilaq, pisortaanerup tullia oqarpoq:

- Taamatut inissisimalernissaq aallaqqaammut ilisimaneqareerpoq. Eimskimi suleqateqarneq assartuinermuinnaaq attuumassuteqarpoq aningaasarsiornermuunngitsoq, Aviâja L. Lennert oqaluttuarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER