Skip to main content

Raajarniarsinnaanermut akuersissutit mianersortumik agguaqqinneqassapput

Raajarniarnissamut akuersissutinik atorunnaarsitsineq piffissalerlugu atuutitinneqartalissaaq. Tamassuma aningaasaqarnermut sunniutai misissorneqassapput.

Aalisarneq pillugu inatsisissaq 2017-imi saqqummiunneqaqqaarmat raajarniarsinnaanermut akuersissutinik agguaaqqinnissamut tunngasoq isumaqatigiinngissutigineqarpoq.

Pilersaarutit Sulisitsisunit KNAPK-miillu isornartorsiorneqangaatsiarput.

Siorna qinersisoqarnera pissutigalugu inatsisissaq naammassillugu suliarineqanngitsoorpoq. Naalakkersuisoqatigiillu ukiakkut atsioqatigiimmata Demokraatit piumasaqarput ataatsimiititaliarsiarmik, inuussutissarsiornermit sinniisoqartinneqartumik pilersitsisoqassasoq.

Ataatsimiititaliarsuup suliassaani allassimavoq raajarniarnissamut akuersissutinik agguaaqqittoqassasoq – tamassumanili aningaasaqarniarneq eqqumaffigineqassalluni.

- Raajarniarsinnaanermut akuersissutit sivikinnerpaamik ukiunut tallimanut siumut nalunaaruteqarluni Inatsisartut inatsisaatigut utertinneqarsinnaanerisa qanoq iliorluni pitsanngortinneqarnissaa aamma ikaarsaariarnermi aaqqiinerit siumullu nalunaaruteqarnerit suut atuutilersinneqartariaqarnersut nalilersorneqassapput, ataatsimiititaliarsuup suliassaanni allassimavoq.

2017-imi siunnersuutigineqartumi atorunnaarsitsinissaq ukiut tallimat sioqqullugu nalunaarutigineqartassasoq aamma ilaatinneqarpoq, maannali allaaqutigaa atorunnaarsitsinissamut ikaarsaariarnissamik periarfissaqassammat.

Sivisunerusumik piffissaqarluni kalerriussisinnaanermik ammaassineq

Naalakkersuisut taamani allapput ukiut tallimat sioqqullugu kalerriisarnissap kinguneranik pisortat karsii ukiumut 13 milliuunit 91 milliuunit koruunillu akornanni annaasaqartassasut. Taassuma saniatigut ingerlatseqatigiiffiit isertitassaminnik annaasaqartussanngussapput, nunami tunisat ataatsimut nalingat 17 milliuunit 124 milliuunit koruunillu akornanni ukiumut annaasaqartalissalluni.

Ataatsimiititaliarsuup suliassaasa ilagaa aningasaqarneq eqqarsaatigalugu atorunnaarsitsinissamut kalerriuteqartarnissap qanoq sivisutigilersinneqarnissaa.

- Iluaqutit ajoqutillu qulaajarneqassapput. Tassunga ilanngullugu ilaatigut inuiaqatigiit ingerlatsinermilu aningaasaqarneq isigalugu, ilaatigullu inatsisilerineq tunngavigalugu isigalugu, atorunnaarsitsisinnaanermut piffissaq qanoq sivisutigisariaqarnersoq.

Siunnersuutigineqaqqaartumi toqqaannanngitsumik pisassanik piginneqataaneq inuiaqatigiinnut akisungaatsiartussatut naatsorsuunneqartut ilanngunneqartassasut siunnersuutigineqarpoq. Suli tamanna anguniarneqarpoq, maannali aningaasaqarnermut kingunissat ilanngullugit misissorneqassallutik.

- Aalisarnermi aningaasaqarnermik inuussutissarsiummilu pisassiissutinik piginnittunik ajortumik sunneeriataarsinnaanerup annikillineqarnissaa eqqarsaatigalugu agguaaqqissinnaaneq pisassiissutinillu atorunnaarsitsisinnaaneq ukiuni arlalinni naleqquttuni atuutitikkiartuaarneqassapput, ataatsimiititaliarsuup suliassaani allassimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER