Raajanut akigititat 14 procentimik anniklleriarsimasut
Aalisakkat qaleruallillu avammut qaammatini pingasuni siullerni tunisat, siorna piffissamut pineqartumut sanilliullugu 125 millioner koruuninik nalikinnerupput, tamanna Naatsorsueqqissaartarfiup naatsorsuutaani takuneqarsinnaavoq.
Aalissakkanut qalerualinnullu akigititat coronap ajornartortsiortitsinera pissutigalugu nunarsuarmi annikilliartorsimapput.
Naatsorsueqqissaartarfimmi naatsorsuinikkut nunamit avammut tunisartakkat pingaarnerpaat killiffissiorneqarsimapput.
Naatsorsuisimanerup takutippaa, ukioq manna qaammatini pingasuni siullerni aalisakkat qaleruallillu avammut tunineqarsimasut katillugit 3.642 millioner koruuninik isertitsiffiusimasut. Tassa ukiup siuliani piffissamut tassunga sanilliullugit 125 millioner koruuninik annikinnerullutik, annikilleriarnerlu 3,3 procentiulluni.
Akigititat appariartornera annkilleriarneranut pissutaavoq. Raajanut akigititat annikilleriarnerpaasimapput:
- Raajat kilomut akiat 5,69 koruuninik apparpoq (-14,1 pct.), saarulliit 1,58 koruuninik (-5,6 pct.) taavalu qalerallit 2,26 koruuninik (-5,6 pct.), Naatsorsueqqissaartarfik allappoq.
Nunanut allanut tunisaasartut nalingisa apparnerat raajat qalerallillu tunineqarsimasut siorna piffissap taamaalineranut sanilliullugu akiisa appariarsimanerannik pissuteqarpoq.
