Raajanik qaffasissumik akitsuusikkanik avammut tuniniaaneq akisoqaaq

Kalaallit Nunaat Tuluit Nunaannut suli isumaqatigiissuteqanngilaq.

– Isumaqarpunga aaqqiissutissamik nassaartoqassasoq. Kalaallit Nunaata Tuluillu Nunaata tamanna soqutigisaraat. Apeqqutaaginnarpoq aaqqiissutissamik qanoq sukkatigisumik nassaartoqassanersoq, Royal Greenlandimi tuniniaanermut nittarsaanermullu pisortaq Bruno Olesen oqarpoq.

Royal Greenlandimut Polar Seafoodimullu annernarpoq. Avammut tuniniaasartut taakkua marluk ataatsimut ukiumut 100 millioner koruuninik annaasaqartarsinnaapput, Kalaallit Nunaata nioqqutissanik akitsuusigaanngitsunik Tuluit Nunaannut eqqussisalernissamik isumaqatigiissuteqarnissaata tungaanut, Sermitsiaq allappoq.

Tuluit Nunaata raajanik uutanik qalipaajakkanik saarullinnillu akitsuusigaanngitsunik Kalaallit Nunaanneersunik eqqussisarnermik unitsitseriataarnerata kingorna qaammatit pingajuata affangajaa qaangiuttut kalaallit avammut tuniniaasartut nioqqutissanik akitsuusigaanngitsunik eqqussisaleqqinnissaannut aaqqiissutaagallartumik suli nassaartoqarsimanngilaq.

Tamanna annernarpoq, aap tamanna Royal Greenlandimut Polar Seafoodimullu niuerneruvoq amigartoorutaannaviusoq.

– Isumaqarpunga aaqqiissutissamik nassaartoqassasoq. Kalaallit Nunaata Tuluillu Nunaata tamanna soqutigisaraat. Apeqqutaaginnarpoq aaqqiissutissamik qanoq sukkatigisumik nassaartoqassanersoq, Royal Greenlandimi tuniniaanermut nittarsaanermullu pisortaq Bruno Olesen oqarpoq.

Tuluit EU-mit aninerisa kingorna, januaarillu aallaqqaataanit atuutilersumik raajat uutat qalipaajakkat Kalaallit Nunaanneersut eqqunneranni 20 procentimik akitsuuserneqartalernerisa kingorna Kalaallit Nunaata Tuluit Nunaat sakkortuumik tatisimavaa. Tamatuma saniatigut saarulliit nunatsinneersut eqqunneranni 12 procentimik akitsuuserneqarsimapput.

Atorfillit Kalaallit Nunaanneersut Tuluilllu Nunaanneersut ulluni makkunani periusissiorlutik kingullermeersumik ataatsimeeqattaarput isumaqatigiissummut tunngavissamik pilersitsiniarlutik, taamaasilluni Kalaallit Nunaata akitsuutiliilluni aaqqiissuussigallarneq atorunnaarsissinnaallugu imaluunniit nunatsinni ingerlatsiviit pisinnaatitsissummik akuersissummilluunniit pisinnaallutik.

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Powered by Labrador CMS