Skip to main content

Raajaatilissuit pisuujunerpaat 100-t akornanniileqqittut

Anders Brøns aamma Jens Salling, tamarmik immikkut 1,4 milliardit koruuninik pisuussuteqartut, Berlingske Businessip Danmarkimi pisuujunerpaat 100-t allattorsimaffianniileqqipput.

Polar Seafoodimi siorna ingerlatsinermut sinneqartoorutit 33 procentinik pitsanngoriarneranni, Anders Brøns aamma Jens Salling Berlingske Businessip Danmarkimi pisuujunersat 100-t allattorsimaffianut ilannguteqqipput.

Taakku Polar Seafood A/S-imi piginneqataassutaat amerlanerpaapput, immikkullu 1,4 milliardit koruuninik pisuussuteqarput. 

Suliffeqarfissuut kaaviiaartitai siorna 301 milliardit koruuninit 3,3 milliardit koruuninut amerleriarput. 

Suliffeqarfissuarmi kaaviiaartitat 82 procentii Kalaallit Nunaata aamma Danmarkip avataanit aaneqartartut, aviisi allappoq.

Allattorsimaffimmit peeriarlutik ilannguteqqittut

Anders Brøns Nuummeersoq aamma Jens Salling Qeqertarsuarmeersoq, Berlingske Businessip pisuujunerpaanut allattorsimaffianut siullermeerlutik 2016-imi ilanngupput, kisianni ukiumi tulliuttumi allattorsimaffimmiikkunnaarput.

Polar Seafoodip suliaanut ilaapput raajanik aalisakkanillu namminneq tunisassiorfimminni suliarinninneq aamma tunisassiareriikkanik nioqquteqarneq.

Ikinnerussuteqartut soqutigisaqartut ilanngunnagit naatsorsuisoqaraluartoq, raajaatilissuit Jens Salling aamma Anders Brøns ukioq manna pisuujunerpaat allattorsimaffiannut ilannguteqqipput.

Anders Brønsip Hans Pavia Egedellu ingerlatseqatigiiffik tunngavilernikuuaat. Kingorna Jens Salling piginneqataalerpoq. Tamatumalu kingorna Anders Brønsip aamma Jens Sallingip Hans Pavia Egede piginneqataassutaat pisiaraat.

Inuit amerlanerit nalunngisaannik Jans Sallingip pania Laila Friis-Salling qaffasissumik freestylerluni sisorartartuusoq ilisimaneqarpoq. Taanna ilaatigut kingullermik ukiuunerani OL-ertoqarmat Korea Kujallermi peqataavoq.

Ingerlatseqatigiiffiit 1.700-t

Danmarkimi pisuujunersat allattorsimaffianni aningaasaatit eqqorluartuunngillat, ksiainni Danmarkimi aamma Kalaallit Nunaanni ingerlatseqatigiiffinni 1.700-ni piginneqataassutsit aamma naatsorsuutit malillugit misissuinermit missiliussinerupput.

Pigisat nalillit piginnittuisa piviusunngortissappatigit niuernermi qanoq naleqarnersut, naatsorsuinermut aallaaviusarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER