Skip to main content

Qullissat Dronningimit aasaru tikeraarneqassaaq

Aamaruutissarsiorfik Qullissat, ukioq 1972-imi matuneqartoq, dronning Margrethemit aamma Prins Henrimmit aasaru tikeraarneqartussanngorpoq

Aamaruutissarsiorfik Qullissat, danskit naalagaaffiannit 1972-imi matuneqartoq, kunngikkormiunit aasamut tikeraarneqartussanngorpoq, dronning Margrethep aamma prinsgemal Henriup illoqarfik inuerutsitaasimasoq Nunatsinni tikeraarnerminni aqqusaarpassuk.

Tamannalu peqatigiiffimmit, Ilulissani Qullissat Ikinngutaanit, nuannaajallaatigineqarpoq.

- 1972-imi nuutsitaanitsinnit aniguiniarnissarput ukiorpassuarni sulissutigisimallugu, aappaatigut pikkunarpoq tupaallannarlunilu, taama ataqqinartigisumik tikeraartoqarniarluni.

Taama Ilulissani Qullissat Ikinngutaani siulittaasoq, Thorkild Jeremiassen Sermitsiaq.AG-mut oqaluttuarpoq.

Aamaruutissarsiorfik Qullissat matuneqartuneqarneranut atatillugu inuit 1400 missaat eqqorneqarput, taakkuami sineriammi illoqarfinnut assigiinngitsunut nuutsinneqarput.

Dronningi juulip 14-ani tikeraassaaq
Thorkild Jeremiassenillu oqarnera naapertorlugu nuutsinneqarneq inuppassuarnut ukiorpassuarni aliasunnermik kinguneqarsimavoq.

- Qullissat matuneqarneranit ukiut 40-t qaangiunneri 2012-imi nalliussigatsigu aalajangerpugut ukiut tulliuttut qulit nuannaarnermik qulequteqarluta Qullissat aasakkut tikeraartassagipput.

Ilulissani Qullissat Ikinngutaasa maanna pilersaarusiorpaat erinarsoqatigiinnik, qajartortartunik kiisalu Qullissat pillugit eqqumiitsuliortartunik, dronngip tikeraarnerani saqqummersitsisinnaasunik, aggersaaniarlutik.

Thorkild Jeremiassenip oqarnera naapertorlugu dronningip Qullissat Saqqamiit juulip 14-ani ullaap tungaani tikeraassavaa.

Dronning Margrethep ukiortaami oqalugiarnermini oqaluttuaraa prinsgemalilu Nunarput aasamut tikeraarniaritsik.

Atuaruk: Dronningi nunarput pillugu ima oqarpoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER