Qulit nutaat coronamik tunillatsissimapput - tunillatsissimasoq ataaseq unitsinneqarsimavoq
Nunatsinni Nakorsaaneqarfik naapertorlugu Nuummi coronamik tunillatsissimasut nutaat qulit nassaarineqarsimapput. Tunillatsissimasoq ataaseq unitsinneqarsimavoq, unitsinneqarneranulli coronavirusi pingaarnertut pissutaasimanngilaq.
Nunatsinni Nakorsaaneqarfimmit ilisimatitsissutigineqarpoq, Nuummi ullormi kingullermi tunillatsissimasunik nutaanik qulinik nassaartoqarsimasoq.
Nakorsaaneqarfik naapertorlugu, tunillatsissimasut arlallit sapaatip akunnerata naanerani illoqarfimmiissimapput, taakkulu illoqarfimmiinnerminni tunillatsissimanissaat ilimagineqarpoq.
- Tunillatsissimasut ilaat tuniluuffiusutut ilisimaneqartuni, tassa meeqqerivinni atuarfinnilu tunillatsissimanissaat ilimagineqarpoq. Tunillatsissimasunit nutaanit pingasut tuniluuffiusuni ilisimaneqartuniissimanngillat, Nunatsinni Nakorsaaneqarfik allappoq.
Ataaseq unitsinneqarsimasoq
Ullormi kingullermi Nuumi inuit 650-it missaanniittut Sisimiunilu 280-it misissorneqarsimapput.
Nuummi Covid-19-imik tunillatsissimasoq ataaseq unitsinneqarsimavoq, Covid-19-ili unitsinneqarneranut pingaarnertut pissutaanngitsoq ilisimatitsissutigineqarpoq.
Kisitsisini ullumi nutarterneqartuni takuneqarsinnaavoq, maannakkorpiaq illoqarfiit pingaarnersaata avataani ikittuinnaat tunillatseqqasuusut.