Qulimiguulik ujaaseqataavoq
Qulimiguulik ulluni arlalinni sumiiffinni Sisimiut eqqaani arnap, Pauline Kleistip, kingullermik januaarip 19-anni takuneqartup ujaarineqarnerani ujaaseqataavoq.
Annonse
69-inik ukiullip Pauline Kleistip ujaarineqarnera suli taamaatinneqanngilaq, pigaartuni pisortaq qullersaat Brian Thomsen, Nunatsinni Politiineersoq Sermitsiaq.AG-mut taama ilisimatitsivoq.
Politiit ullumi kingusinnerusukkut tusagassiuutinut paasissutissartaqarnerusumik, arnap kingullermik marlunngornermi nal. 15.00 missaani takuneqartup, nassaarinissaanut iluaqutaasinnaasunik paasissutissanik nalunaaruteqarniartut, taanna ilisimatitsivoq.
Aamma atuaruk: Sisimiuni politiit: Quit naqqullu atai ujaasiffigisigit
Ujaasinerup Sisimiuni innuttaasorpassuit sunnerpai, taakku arnap ima taaneqartup ujarneqarneranut peqataapput:
- Arnaq kalaaleq
- 69-inik ukiulik
- 150 cm missaani angissusilik, timaa nalinginnaasumik sananeqaateqarluni
- Nujai qeersaalersimasut tuianut killipput
- Kingullermik takuneqarami qernertumik nasaasartaatigut meqquluaasartalimmik "Polar"-imik meqqilimmik kavaajaqartoq, qernertunillu qarleqartoq takuneqarpoq.
Arnaq pillugu inuit paasissutissaateqarsinnaasut politiit oqarasuaammut 701322-mut attaveqaqquaat, Sisimiuni Politiit.