Tunu
Qujaukitsoq: Tasiilaq mittarfittaassaaq
Naalakkersuisut naapertorlugit suliffinnik pilersitsinissamut takornarianillu amerlanerusunik ussatsitsinissamut mittarfiliorneq aaqqiissutissatuaavoq
Inuussutissarsiornermut, sulisartoqarnermut, niuernermut nunanullu allanut tunngasunut Naalakkersuisup Vittus Qujaukitsup (S) qularutiginngilaa nunamut pitsaanerujussuussasoq Tasiilami mittarfiliortnermut aningaasaliissuteqarnissaq, Tasiilap eqqaani attaveqarnerup iluarsaanneqarnissaaninngarnit.
– Tikinneqarsinnaassuseq pineqarpoq. Tasiilaq nunami ornitassatut nuannarineqarnerpaat tulleraa. Takornariat tassunngarusupput, Kulusummuunngitsoq. Taamaattumik isumaqarpunga eqqarsaatigineqartariaqartoq Tasiilamut timmisartuussisarnerit qanoq isilluta ajornannginnerulersissinnaanerivut, taanna itisiliivoq.
Tasiilaq Kusummit inissisimalluarneruvoq
Taassuma nalunngilaa Tasiilami mittarfiliornissaq akikinnavianngitsoq.
Piffissarli ungasinnerusoq eqqarsaatigalugu isumaqarpoq mittarfiup Kulusummut pinnani Tasiilamut inissinneqarnera nunap immikkoortuanut tamarmut iluaqutaassasoq.
Ilanngullugu nassuiaavoq nammineq kinguaattoornerit misigingaatsiartarsimallugit, silarlunnera pissutigalugu Kulusummi unnuisariaqartarsimagami.
– Tamaani helikopterimik timmisartuussineq unittooqqajaasarpoq, tamaani sila apeqqutaasaqimmat. Taamaattumik matumani tikinneqarsinnaassuseq aalajangiisuuvoq, taanna erseqqissaavoq.
Oqaluttuaq tamaat Sermitsiami sapaatip akunnerani saqqummersumi atuaruk. Aviisi aamma pisiarisinnaavat uani: